Mumbai Local News: अजून एक बळी, कल्याण-ठाकुर्ली स्थानकांदरम्यान तरुणाचा अपघाती मृत्यू

Kalyan Railway Station: कल्याण-ठाकुर्ली स्थानकांदरम्यान मुंबईच्या दिशेने जाणाऱ्या मार्गावर रेल्वे रुळांमध्ये एका तरुणाचा शनिवारी दुपारी दीडच्या सुमारास मृतदेह सापडला. त्याच्याकडे असलेल्या कागदपत्रांवरून या तरुणाची ओळख पटली असून मैनुद्दीन जैनुद्दीन शहा (वय १९) असे त्याचे नाव आहे.

हा तरुण भिवंडीत राहणारा असून तो ठाण्याच्या दिशेने प्रवास करत होता. पोलिसांनी तातडीने घटनास्थळी धाव घेत मृतदेह पंचनामा करून ताब्यात घेतला. दरम्यान, त्याचा मृत्यू लोकलच्या धडकेत झाला की धावत्या गाडीतून तो खाली पडला, याबाबत तपास सुरू असल्याचे डोंबिवली रेल्वे पोलिस ठाण्याचे वरिष्ठ पोलिस निरीक्षक किरण उंद्रे यांनी सांगितले. गेल्या महिन्यात वेगवेगळ्या घटनांत तरुण-तरुणीचा मृत्यू झाला होता.