नवी मुंबई: वाशी टोलनाका येथील वाहतूक कोंडी सोडवण्यासाठी वाशी खाडीपूलावर ‘एमएसआरडीसी’च्या माध्यमातून नव्याने दोन पूल उभारण्यात आले आहेत. उपमुख्यमंत्री एकनाथ शिंदे यांच्या हस्ते काही महिन्यांपूर्वीच मुंबईहून नवी मुंबईकडे जाणाऱ्या पुलाची एक मार्गिका सुरू करण्यात आली; मात्र नवी मुंबईहून मुंबईकडे जाणारी मार्गिका सुरु नसल्याने वाहनचालकांना कोंडीला सामोरे जावे लागत आहे.