मुंबई: गेल्या तीन दिवसांपासून स्थिर असलेले इंधनाचे दर पुन्हा कडाडले आहे. मंगळवारी प्रजासत्ताक दिनाच्या दिवशी मुंबईत पेट्रोल 34 पैशाने तर डिझेल 37 पैशाने वाढले आहे. गेल्या महिन्याभरात ही पाचवी दरवाढ असून, पेट्रोल 92.62 रुपये झाले तर डिझेल 83.3 रुपये झाले आहे.
आंतरराष्ट्रीय बाजारपेठेत इंधनाचे दर कमी झाले असताना, देशात मात्र, एकाच महिन्यात इंधनाच्या दरात सातत्याने वाढ होताना दिसत आहे. 18 आणि 19 जानेवारीला पेट्रोलच्या दरात तब्बल 48 पैसे तर डिझेल दरामध्ये 53 पैशांची वाढ झाली. त्यानंतर पुन्हा 22 आणि 23 जानेवारी या दोन दिवसांमध्ये पेट्रोल पुन्हा 48 पैसे आणि 53 पैशाने डिझेल वाढल्याने 18 जानेवारी पूर्वी असलेले पेट्रोलचे 91.32 रूपये प्रतिलीटर दर शनिवारी थेट 92.28 रूपयांवर तर डिझेल 81.6 रूपयांचा दर 82.66 रूपयांवर पोहचले होते.
त्यानंतर मंगळवारी पुन्हा पेट्रोल, डिझेलच्या दरांमध्ये वाढ झाली आहे. रविवारी देशातील चार महानगरांमध्ये इंधनाच्या दरांमध्ये वाढ झाली आहे. परिणामी सर्वात जास्त पेट्रोल, डिझेलचा दर मुंबईत असल्याचे दिसून येत आहे. यामध्ये मुंबईतील पेट्रोलचा दर 92.62 रूपये आहे. त्याप्रमाणे चेन्नई 88.60, दिल्ली 86.5, कोलकात्ता 87.45 रूपये तर झिझेलच्या दरांमध्ये मुंबई 83.3 रूपये, त्याप्रमाणे चेन्नई 81.47, दिल्ली 76.23, कोलकाता 79.83 रूपये दर होते.
----------------------------
(संपादन- पूजा विचारे)
Today Mumbai Fuel price Petrol Rs 92.28 per litre diesel above Rs 83
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.