ड्रग्स फार्मा प्रकल्पाच्या जमीन संपादनातील गैरप्रकार | Sakal
sakal

बोलून बातमी शोधा

ड्रग्स फार्मा प्रकल्पाच्या जमीन संपादनातील गैरप्रकार
ड्रग्स फार्मा प्रकल्पाच्या जमीन संपादनातील गैरप्रकार

ड्रग्स फार्मा प्रकल्पाच्या जमीन संपादनातील गैरप्रकार

sakal_logo
By
मृत व्यक्तीच्या जमीन विक्री प्रकरणी सहा जणांवर गुन्हा दाखल सकाळ वृत्तसेवा अलिबाग, ता. ७ : मृत व्यक्तीच्या जागी दुसरी तोतया व्यक्ती उभी करून जमीन विक्रीचा गैरप्रकार कोकबन येथे उघडकीस आला आहे. ‘सर्वहारा जनआंदोलन’ने पुढाकार घेतल्याने या प्रकरणी रोहा पोलिस ठाण्यात गुन्हा दाखल करण्यात आला. प्रस्तावित बल्क ड्रग्ज फार्मा प्रकल्पाच्या हद्दीतील कोकबन येथील गणेश कोल्हटकर यांचे पणजोबा हशा नागू कोल्हटकर यांचा १९७५ मध्ये मृत्यू झाला. त्यांच्या जागी तोतया व्यक्ती उभी करून कोल्हटकर कुटुंबीयांची जमीन विकण्यात आली. याबाबत गणेश कोल्हटकर यांनी सर्वहारा जनआंदोलनाच्या कार्यकर्त्यांची भेट घेतली आणि धक्कादायक प्रकरण समोर आले. तक्रार करूनही रोहा पोलिसांनी याबाबत गांभीर्याने दखल घेतली नाही. या गंभीर प्रकरणाकडे खुद्द जिल्हाधिकारी रायगड, पोलिस अधीक्षक रायगड यांचे लक्ष वेधले. तसेच प्रकरणाचा पाठपुरावा केला. त्यानुसार गुरुवारी संबंधितांवर गुन्हा दाखल झाला. गणेश कोल्हटकर यांच्या फिर्यादीनुसार भगवान घोडे, गिरीश सिनकार यांसह सहा जणांवर १८६० च्या कलम ४१९, ४२०, ४६५, ४६७ ४६८, ४७१ व ३८ नुसार गुन्हा दाखल करण्यात आला.
Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top