ठाणे : युवा साहित्य संमेलनाचे जानेवारीत वाजणार बिगुल

ठाणे : कोकण मराठी साहित्य परिषदेच्या (konkan marathi sahitya parishad) युवाशक्ती समितीतर्फे (yuvashakti samiti) होणाऱ्या युवा साहित्य संमेलनाचे (Yuva sahitya sammelan) बिगुल जानेवारी महिन्यात वाजणार आहे. ठाण्यातील डॉ. काशिनाथ घाणेकर नाट्यगृहात (Dr kashinath ghanekar theater) पार पडणाऱ्या या दोन दिवसीय संमेलनाची कार्यक्रम पत्रिका शुक्रवारी जाहीर झाली. साहित्यविषयक (literature) विविध कार्यक्रम, तसेच सामाजिक-सांस्कृतिक विषयांवरील विचारमंथनातून युवा पिढीची स्पंदने टिपू पाहणाऱ्या या संमेलनाच्या बोधचिन्हाचे अनावरण यावेळी कोमसापचे कार्याध्यक्ष डॉ. प्रदीप ढवळ (Dr Pradip dhaval) यांच्या हस्ते करण्यात आले. (yuva sahitya sammelan in january at dr kashinath ghanekar theatre thane)

काही दिवसांपूर्वीच २०२२ या नववर्षारंभी युवा दिनाचे औचित्य साधून ११, १२ जानेवारीला होणाऱ्या राज्यस्तरीय युवा साहित्य संमेलनाची घोषणा करण्यात आली होती. ठाणे महानगरपालिकेच्या विशेष सहकार्याने संपन्न होणाऱ्या या संमेलनात साहित्य-समाजकारण-सांस्कृतिक रणाचा वेध घेणाऱ्या विविध कार्यक्रमांची आखणी केली आहे. संमेलनाच्या पहिल्या दिवशी शहरातून साहित्य दिंडी निघणार असून यात संत साहित्य, मराठी भाषा, कोकण आणि महाराष्ट्राची संस्कृती इत्यादींचा जागर होणार आहे.