बेरोजगारीच्या झळा! राजस्थानच्या तरुणाचा भिलवाडा ते मुंबई पायी प्रवास | Sakal
sakal

बोलून बातमी शोधा

Manoj vyas from rajasthan on the way to mumbai
राजस्थानच्या तरुणाचा भिलवाडा ते मुंबई पायी प्रवास

बेरोजगारीच्या झळा! राजस्थानच्या तरुणाचा भिलवाडा ते मुंबई पायी प्रवास

मनोर : राजस्थानमधील (Rajasthan) सरकारी उद्योग बंद पडले आहेत. त्यामुळे असंख्य तरुणांना बेरोजगारीच्या झळा (Unemployment impact) सोसाव्या लागत आहेत. बेरोजगारीमुळे निर्माण झालेल्या असंख्य अडचणींवर मात करण्यासाठी माझ्या जिल्ह्यात गुंतवणूक करा, अशी विनवणी करण्यासाठी रिलायन्स इंडस्ट्रीजचे मालक मुकेश अंबानी (Mukesh Ambani) यांची भेट घेण्यासाठी शेकडो किलोमीटर अंतर चालत राजस्थान राज्यातील भिलवाडा जिल्ह्याच्या गंगापूरचा निवासी मनोज व्यास (२१) हा तरुण मुंबईकडे चालत निघाला आहे. ११ मार्चला दुपारी १ वाजता त्याने गंगापूरवरून मुंबईच्या दिशेने चालायला सुरुवात केली होती. मजल-दरमजल करीत सोमवारी (ता. ४) त्याने मुंबई-अहमदाबाद राष्ट्रीय महामार्गावरून मनोर गाठले आहे.

हेही वाचा: वसई : ३२० कोटींचा मालमत्ता कर वसूल; दोन हजार ६९७ मालमत्ता पालिकेने केल्या जप्त

उद्योजक मुकेश अंबानी यांनी जिल्ह्यात गुंतवणूक करावी, या मागणीचे ध्येय घेऊन भिलवाडा ते मुंबईपर्यंतचा सुमारे साडेनऊशे किलोमीटरचा प्रवास चालत पार करण्याचा निर्धार मनोज व्यासने व्यक्त केला. तो पदवीच्या शेवटच्या वर्षात शिक्षण घेत आहे.राजस्थान राज्याच्या भिलवाडा जिल्ह्यातील गंगापूर भागात असलेल्या धाग्याच्या अनेक मिल्स शासकीय हस्तक्षेप आणि भ्रष्टाचारामुळे बंद पडल्या आहेत. त्यामुळे बेरोजगारी मोठ्या प्रमाणात निर्माण झाली आहे. उद्योजक मुकेश अंबानी यांनी भिलवाडा जिल्ह्यात आर्थिक गुंतवणूक केल्यास रोजगार उत्पन्न होऊन स्थानिकांची आर्थिक परिस्थिती सुधारण्यात मदत होणार आहे, असे मनोज याने सांगितले.

दररोज २५ ते ३० किलोमीटरची पायपीट

आपण दिवसाला २५ ते ३० किलोमीटर अंतर चालत असून महामार्गालगतच्या हॉटेल किंवा धाब्यावर रात्रीच्या विश्रांतीसाठी थांबत असल्याची माहिती मनोज याने दिली.

Web Title: Todays Latest Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top