खारघरमध्ये खेळांचा महासंग्राम | Sakal
sakal

बोलून बातमी शोधा

खारघरमध्ये खेळांचा महासंग्राम
खारघरमध्ये खेळांचा महासंग्राम

खारघरमध्ये खेळांचा महासंग्राम

sakal_logo
By

खारघर, ता. ७ (बातमीदार) : युवा शक्ती मित्रमंडळाने माजी स्थायी समिती सभापती व नगरसेवक प्रवीण पाटील यांच्या वाढदिवसानिमित्त शुक्रवारी (ता. ८) खारघरमध्ये कबड्डी, व्हॉलीबॉल, बॅडमिंटन, तर एकता रिक्षा संघटनेच्या वतीने रक्तदान शिबिराचे आयोजन करण्यात आले आहे. ही स्पर्धा खारघर सेक्टर २१ येथील सचिन तेंडुलकर मैदानात पार पडणार आहे.
सचिन तेंडुलकर मैदानात पार पडणाऱ्या कबड्डी स्पर्धेतील विजेत्या संघाला पाच हजार, उपविजेत्याला तीन हजार, व्हॉलीबॉल संघातील विजेत्याला चार हजार, तर उपविजेत्याला दोन हजार आणि बॅडमिंटन स्पर्धेतील विजेत्याला दोन हजार २००, तर उपविजेत्या संघाला एक हजार १११ रोख रुपये पारितोषिक दिले जाणार आहे. ही स्पर्धा सेक्टर २१ येथील सचिन तेंडुलकर मैदानात पार पडणार आहे. तर रक्तदान शिबिर सेक्टर २१ मधील जय भवानी माता मंदिरात सकाळी ९ ते २ या वेळेत होणार आहे. या स्पर्धेसाठी प्रवीण पाटील स्पोर्ट वेल्‍फेअर असोसिएशन, खारघर कबड्डी क्लब, खारघर युथ कौन्सिल, विद्यादान युवा मित्र मंडळ, ज्ञानसाधना मित्र मंडळ सेक्टर २१ क्रिकेट क्लब आणि हॅट्रिक्स स्पोर्ट्स क्लब आदींचे विशेष सहकार्य आहे. क्रीडाप्रेमींनी स्पर्धेत मोठ्या संख्येने सहभागी व्हावे, असे आवाहन युवा शक्ती मित्रमंडळाच्या वतीने करण्यात आले आहे.

Web Title: Todays Latest Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..