Crime News: विरारमध्ये दोन लाखांचा गांजा जप्त; एकाला अटक

Nalasopara News: विरारमध्ये दोन लाख रुपये किमतीचा दहा किलो गांजा पकडण्यात पोलिसांना यश आले. गुन्हे प्रकटीकरण पथकाने ही कारवाई करून एकाला अटक केली आहे. याबाबत विरार पोलिस ठाण्यात गुन्हा दाखल करण्यात आला आहे.

विकास मोर्या (वय २६) असे अटक केलेल्या तरुणाचे नाव आहे. विकास हा अंधेरी पूर्व येथील राहणारा असून तो मूळचा उत्तर प्रदेशचा आहे. गुरुवारी (ता. १) एक जण विरार पूर्वेतील चंदनसार परिसरातील विरार वजनकाटा येथे गांजा विक्रीकरिता येणार असल्याची माहिती विरार गुन्हे प्रकटीकरण पथकाला मिळाली होती. ( A case has been registered in this regard at Virar police station)

त्यानुसार त्यांनी सापळा रचून संशयास्पद फिरणाऱ्या एका तरुणाला चौकशीसाठी ताब्यात घेतले. त्याची अंगझडती घेतली असता त्याच्याकडून दोन लाख रुपये किमतीचा १० किलो गांजा आढळून आला असल्याची माहिती विरारचे सहायक पोलिस आयुक्त चंद्रकांत देशमुख यांनी दिली.