Accident News: भिवंडीजवळ झाला विचित्र अपघात; एक ठार, नऊ जखमी

Accident News: भिवंडी वाडा महामार्गावरील कुडूस नाका येथे शनिवारी सायंकाळी पाच वाजण्याच्या सुमारास दोन ट्रक, दोन दुचाकी व एका कार यांच्यात झालेल्या विचित्र अपघातात एका चिमुरडीचा जागीच मृत्यू झाला असून नऊ जण जखमी झाल्याची घटना घडली.

या घटनेतील जखमींची नावे अद्याप समजू शकलेली नाहीत. या अपघातात पूर्वा (वय ४) या चिमुरडीचा मृत्यू झाला आहे; तर जयेश घोडविंदे, हर्षद वेखंडे यांच्यासह नऊ जण गंभीर जखमी झाले आहेत.

सर्व जखमींवर येथील स्थानिक रुग्णालयात उपचार सुरू आहेत. मिळालेल्या माहितीनुसार, भिंवडी-वाडा महामार्गावरील कुडूस नाका येथे एका दुचाकीस्वाराला वाचविताना ट्रक चालकाने दुसऱ्या दुचाकीला धडक दिली.

त्या वेळी मागून येणाऱ्या एक ट्रक व कार एकमेकांवर आदळत विचित्र अपघात होऊन दुचाकीच्या मागील बाजूस बसलेली पूर्वाला गंभीर दुखापत झाल्याने जागीच तिचा मृत्यू झाला; तर विविध वाहनांतील नऊ जण गंभीर जखमी झाले असून त्यांना विविध खासगी रुग्णालयात उपचारासाठी हलविण्यात आले आहे.