Thane News: दुर्दैवी घटना, बारवी नदीत बुडून तीन जणांचा मृत्यू

Ambernath News: बदलापूर जवळील अस्नोली गावाजवळून वाहणाऱ्या बारवी नदीत पोहण्यासाठी गेलेल्या तीन तरुणांचा बुडून मृत्यू झाल्याची घटना बुधवारी घडली.(thane news)

हृतिकेश मुरगु (वय २३) सुहास कांबळे (वय १९) युवराज (वय १८) असे या घटनेत मृत झालेल्या तरुणांची नावे आहेत. हे तिघेही अंबरनाथच्या घाडगेनगर तसेच जावसई परिसरात राहणारे होते. युवराज आणि सुहास हे दोघजण बुधवारी (ता.१) दुपारी मित्रांसोबत बारवी नदीवर पोहण्यासाठी आले होते.

बारवी नदीच्या पाण्याच्या खोलीचा अंदाज न आल्याने सुहास हा पाण्यात बुडू लागला त्याला वाचवण्यासाठी युवराज गेला. मात्र तोही बुडू लागल्याने त्या दोघांना वाचवण्यासाठी हृतिकेश गेला असता त्याचाही पाण्यात बुडून मृत्यू झाला. या घटनेने घाडगेनगर व जावसई परिसरात शोककळा पसरली आहे.