
वाघजाई-कोंडजाई देवस्थानचा जत्रोत्सव उत्साहात
चित्तथरारक बगाडचा कार्यक्रम पाहण्यासाठी भाविकांची गर्दी
पोलादपूर, ता. १७ (बातमीदार) ः तालुक्यातील श्री वाघजाई कोंडजाई देवस्थान देवपूर व अठरा गाव कोंढवी विभागातील जत्रोत्सव उत्साहात पार पडला. या वेळी चित्तथरारक बगाडचा कार्यक्रम पाहण्यासाठी भाविकांनी मोठ्या प्रमाणात गर्दी केली होती.
वाघजाई-कोंडजाई देवस्थान हे बाराव्या शतकातील असून, अनेक सरदारांच्या देवपूर येथील मंदिराच्या आसपास काळ्या पाषाणात कोरलेल्या वीरगळा पाहायला मिळतात. शिवकालीन यात्रोत्सव हनुमान जयंतीनंतर साजरा केला जातो. या यात्रोत्सवाचे वैशिष्ट्य म्हणजे कोंढवी विभागातील आठ गाव व अठरा गावातील ग्रामस्थ शांततेत साजरा करतात. खालू बाज्याचे विविध वाजवायचे प्रकार या यात्रेमध्ये पाहायला मिळतात. तसेच दुसऱ्या दिवशी सकाळी साडेपाच वाजता बगाड लावले जाते. देवपूर येथील महाडिक घराण्यातील मानकऱ्याला बगाडाला बांधून पाच वेळा फिरविले जाते. हा प्रसंग अत्यंत चित्तथरारक असतो. उपस्थित भाविक श्वास रोखून पाहतात. रात्री अठरा गावातील मानकरी यांना मान दिला जातो. देवपूर येथील यात्रा ही मानाची असते.
यंदा यात्रेला राजिपचे माजी उपाध्यक्ष चंद्रकांत कळंबे, उद्योजक तथा अध्यक्ष किसन भोसले व सर्व पदाधिकारी उपस्थित होते.
..............
खालू बाज्याचे रोमांचकारी आवाज
पोलादपूर, महाड, खेड, महाबळेश्वर, मुंबई-पुणे गुजरात येथील हजारो भाविकांनी येथील जत्रेमध्ये उपस्थिती लावली होती. या वेळी कोंढवी, मोरगिरी, भोगाव बु, भोगाव खु, कातळी, मोरगिरी, पैठण, पांगळोली, ओंबळी, गोळेगणी, परसुले, क्षेत्रपाल, कुडपण, देवपूर इ. गावातील पालखी व काठ्या खालू बाज्याच्या तालावर नाचविण्यात आल्याने भाविकांचा आनंद ओसंडून वाहत असल्याचे दिसून आले. या वेळी खालू बाज्याचे विविध वाजवायचे प्रकार या यात्रेमध्ये पाहायला मिळाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.