मुलांच्या आनंदावर सुट्टीतच विरजण

मुलांच्या आनंदावर सुट्टीतच विरजण
Published on: 

उन्हाळी सुट्टीच्या आनंदावर विरजण
मौलाना आझाद उद्यानात ठेकेदारांकडून बांधकाम
भिवंडी, ता.१०(बातमीदार) : भिवंडी महापालिकेतील अधिकाऱ्यांनी मनमानी कारभाराचा प्रत्यय पुन्हा एकदा समोर आला आहे. कारण मौलाना अबुल कलाम आझाद उद्यानात विविध प्रकल्पांच्या नावाखाली पाण्याच्या टाकीसाठी स्थानिकांचा विरोध असताना ठेकेदाराकडून खड्डा खोदण्यात आल्याने उन्हाळी सुट्टीतच खेळण्यासाठी मैदान नसल्याने मुलांच्या आनंदावर विरजण फेरले आहे.
भिवंडी महापालिकेच्या प्रभाग समिती ५ मध्ये पालिकेच्या विविध योजना राबवण्यासाठी आरक्षित जागा आहेत. तर अनेक ठिकाणी खासगी जागा आहेत. त्याकडे दुर्लक्ष करताना पालिकेच्या काही विभाग प्रमुख अधिकाऱ्यांनी मौलाना अबुल कलाम आझाद उद्यानात विविध बांधकामे करण्याचा घाट घातला आहे. यामुळे शहरातील जुने उद्यानात असल्याने सायंकाळी लहान मुलांसह महिला येण्याचे प्रमाण अधिक आहे. पण असे असताना पालिकेच्या पाणीपुरवठा विभागाने पाण्याच्या टाकी बांधण्यासाठी उद्यानात खड्डा खोदला आहे. तर कंटेनरची कॅबिन ठेवली आहे. या प्रकाराला लोक हिंद पक्षाचे शहराध्यक्ष बदीउज्जमा खान यांनी आक्षेप घेतला आहे. पण या सर्व उपक्रमाची माहिती उद्यान विभाग प्रमुख नीलेश संखे यांना माहिती नसल्याची बाब समोर आली आहे. तसेच कामासाठीची पूर्वसूचना दिल्याशिवाय हा प्रकार सुरू असल्याने पालिकेचे उपायुक्त बाळकृष्ण क्षीरसागर आणि उद्यान विभाग प्रमुख नीलेश संखे यांनी घटनास्थळी भेट देऊन उद्यानातील कर्मचाऱ्यांना जाब विचारला आहे. या सर्व घटनेवरून पालिकेच्या विविध विभागांमध्येच समन्वय नसल्याचे दिसून आले असून सार्वजनिक मालमत्तेच्या नुकसानावरून नागरिकांमधून संताप विचारला जात आहे.
--------------------------------------------------------------------------------------------------------------------
दोघा कर्मचाऱ्यांवर कारवाई
महापालिकेच्या पाणीपुरवठा विभागाने सुरु केलेल्या कामाची माहिती उद्यान विभागाच्या प्रमुखाला दिली नसल्याने मौलाना आझाद उद्यानातील दोन कर्मचाऱ्यांवर कारवाई करण्यासाठी उपायुक्त बाळकृष्ण क्षीरसागर यांनी आदेश दिले आहेत. याबाबतचा प्रस्ताव वरिष्ठांकडे पाठवण्यात येणार असून कर्मचाऱ्यांना कारणे दाखवा नोटीस बजावल्याची माहिती भिवंडी महापालिकेचे उद्यान विभाग प्रमुख नीलेश संखे यांनी दिली आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com