लाईव्ह न्यूज

मोरबे धरणाच्या पातळीत वाढ

मोरबे धरणाच्या पातळीत वाढ
Published on: 

वाशी, ता. २७ (बातमीदार) : दोन दिवस झालेल्या मुसळधार पावसामुळे नवी मुंबई महापालिकेच्या मालकीच्या मोरबे धरणाच्या पातळीत तीन फुटांपर्यंत वाढ झाली आहे. दोन दिवसांपूर्वी ही पातळी ७३.७१ मीटर होती. त्यानंतर झालेल्या जोरदार पावसामुळे दोनच दिवसांत ही पातळी ७४.४६ मीटर झाली आहे.
सध्या धरण ४१ टक्के भरलेले आहे. त्यामध्ये ३ सप्टेंबर २०२५ पर्यंत पुरेल इतका साठा शिल्लक आहे. त्यामुळे नवी मुंबईकरांची पाण्याची चिंता मिटली आहे. मोरबे धरणाची पाण्याची पातळी गतवर्षी २७ मे २०२४ रोजी ७१.७ मीटर होती; तर धरणात ३०.८५ टक्के साठा शिल्लक होता. आता दोन दिवसांपासून मुसळधार सुरू असणाऱ्या पावसामुळे धरणाच्या पाणी पातळीत वाढ झाली आहे. धरण ४१ टक्के भरले असून, ७४.४६ मीटरपर्यंत पातळी आहे. धरण परिसरात सोमवारी (ता. २६) १६५.४० मिलिमीटर पाऊस झाला. त्यामुळे पातळी वाढून नवी मुंबईकरांना दिलासा मिळालेला आहे.
------------------
मोरबे धरण क्षेत्रात झालेल्या मुसळधार पावसामुळे पाण्याची पातळी वाढली आहे. ३ सप्टेंबरपर्यंत पुरेल इतका साठा धरणात शिल्लक आहे. धरण भरण्यास अजून विलंब असून, नागरिकांनी पाणी जपूनच वापरावे.
- अरविंद शिंदे, अतिरिक्त शहर अभियंता, नवी मुंबई महापालिका

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com