कर्जत रेल्वे मार्गावर भीषण अपघात : तरुणाचा मृत्यू

रेल्वेच्या धडकेत तरुणाचा मृत्यू
कर्जत (बातमीदार)ः भिवपुरी रोड ते कर्जतदरम्यान रेल्वेने दिलेल्या धडकेत तुषार कुरले (वय २८, रा. म्हसा माणगाव, ता. मुरबाड, जि. ठाणे) यांचा मृत्यू झाला. सोमवारी (ता. ८) सायंकाळी साडेसहाच्या सुमारास ही घटना घडली. अपघाताची घटना किलोमीटर ९३/४१ ते ९३/४५ दरम्यान घडली. प्राथमिक तपासानुसार तरुण रुळावर कसा पोहोचला, हे अद्याप स्पष्ट झालेले नाही. याप्रकरणी कर्जत रेल्वे पोलिस ठाण्यात गुन्हा नोंदवण्यात आला असून पोलिस निरीक्षक एस. व्ही. देसाई घटनेची चौकशी करीत आहेत.