Mumbai Vehicle Entry : सर्वसामान्यांच्या खिशाला बसणार कात्री! आजपासून मुंबईचा वाहन प्रवेश महागणार

मुंबई - मुंबईच्या प्रवेशद्वारावर महाराष्ट्र राज्य रस्ते विकास महामंडळाच्या टोल नाक्यावर टोल दरवाढ (ता.१) पासून लागु होणार असल्याने ऐन महागाईतच सर्वसामान्यांची खिशाला कात्री लागणार आहे. टोल व्यवस्थापनाचे कंत्राट देतांनाच दर तिन वर्षानंतर टोल दरवाढ ठरवून दिली आहे. त्यानुसारच नियमीत दरवाढ होत असली तरी, रस्त्यांवरील सुविधांचा अभाव असतांना, टोलवाढ का ? असा सवाल सुद्धा उपस्थित होत आहे.

सार्वजनिक बांधकाम विभागाच्या २७ सप्टेंबर २००२ च्या अधिसूचनेमध्ये दर तीन वर्षांने वाढणाऱ्या टोल दरवाढी लागु केली जाणार आहे. येरोली, दहिसर पच्छिम द्रुतगती मार्ग, पूर्व द्रुतगती मार्ग मुलुंड, लाल बहाद्दूर शास्त्री मुलुंड ठाणे, वाशी सायन पनवेल महामार्गावरील टोल नाक्यावर वाहनांचे टोल दर वाढ होणार आहे. वर्ष २००२ पासून या टोल नाक्यावर टोल वसुली सुरू असून, सुमारे २५ वर्ष का टोल वसूली केली जाणार आहे. यामध्ये वर्ष २००२ मध्ये कार २० रुपये, मिनीबस २५ रुपये, ट्रक बस ४५ रुपये तर अवजड वाहन ५५ रुपये टोल दर होते. तर २०२३ पर्यंत हेच टोल भाडे सध्यास्थितीत कार ४०, मीनीबस ६५ , ट्रक बस १३०, तर अवजड वाहन १६० रुपये वसूल केल्या जात असून, १ ऑक्टोंबर पासून यामध्ये पुन्हा आता वाढ होणार असल्याने ऐन सणासुदीच्या काळात वाढीव टोल दराचा सामना वाहन चालकांना करावा लागणार आहे.

टोल नाक्यावरील दरवाढ अशाप्रकारे

वाहन प्रकार - वर्ष १ ऑक्टोंबर २०२०-२३ - १ ऑक्टोंबर २०२३- ३० सप्टेंबर २०२६ - वाढ

फोर व्हीलर - ४० - ४५ - ५ रुपये

मिनी बस - ६५ - ७५ - १० रुपये

ट्रक/बस - १३० - १५० - २० रुपये

अवजड वाहन - १६० - १९० - ३० रुपये

मासिक पास - १५०० - १६०० - १०० रुपये

वर्ष २०२७ पर्यंत टोल वसूली

टोल चालकांना टोल वसुलीसाठी दिले तेव्हाच दर तीन वर्षांनी टोल दरवाढ केली जाणार असल्याची अधिसूचना आधीच काढली आहे. ज्याप्रमाने १ ऑक्टोंबर पासून मुंबई प्रवेशद्वारावरील टोल नाक्याची दरवाढ केली जाणार आहे. त्याचप्रमाणे १ ऑक्टोंबर २०२६ नंतर पुन्हा टोलदरवाढीचा सामना करावा लागणार असून, वर्ष २०२७ पर्यंत वाढीव टोल भरावा लागणार आहे.