Ulhasnagar Municipal Election : महापालिका निवडणुकीत EVM बिघाडीमुळे गोंधळ; उल्हासनगरात तणावाची स्थिती? मतदारांचा संताप

Ulhasnagar Municipal Election : महापालिका निवडणुकीच्या मतदान प्रक्रियेला सकाळी सुरुवात झाली असली, तरी पहिल्याच सत्रात तांत्रिक बिघाड, तणावपूर्ण वातावरण आणि अत्यल्प मतदान यामुळे शहरात चिंतेचे चित्र पाहायला मिळाले. कॅम्प ५ येथील सावित्रीबाई फुले माध्यमिक विद्यालयातील प्रभाग क्रमांक २०, खोली क्रमांक ४ मध्ये सकाळपासूनच ईव्हीएम मशीन बंद पडल्याने मतदारांना मतदान करता आले नाही. मतदान सुरू झाल्यानंतरही मशीन कार्यान्वित न झाल्याने नागरिकांमध्ये नाराजी व्यक्त होत होती.