Mumbai Vehicle Parking App : पार्किंगसाठी मुंबईत आता अॅप

मुंबई - मुंबईत पार्किंगसाठी आता अॅप उपलब्ध होणार आहे. वाहन तऴांची उपलब्धता, बुकींग आणि शुल्क भरण्याची सुविधा आता अॅपवर उपलब्ध होणार आहे. शहर आणि उपनगरात वाहन व्यवस्थापन आराखड्याचा विस्तार करण्याचा पालिका प्रशासने निर्णय घेतला आहे.

पालिकेने वाहनतळाचे नियमन करण्यासाठी १५ तज्ज्ञांची समिती २०१९ मध्ये तयार केली. मात्र कोरोना टाळेबंदीमुळे त्यांचे काम पुढे जाऊ शकले नाही. १८ जानेवारी, २०२१ रोजी ही समिती पुन्हा एकदा नियुक्त केली आहे.

या समितीचे प्रमुख म्हणून सेवानिवृत्त ‘आयएएस’ अधिकारी रामनाथ झा आणि त्यांच्याबरोबर काही नगरनियोजनतज्ज्ञ, वाहतूक धोरण आणि सामाजिक विषयांचे काही प्रतिनिधी सभासद यांच्याकडून व्यापक अशी दाटीवाटीच्या मुंबई शहराकरिता वाहनतळ धोरण योजना ठरविले आहे.

पालिकेच्या व सरकारी कार्यालयांची पार्किंगसंबंधी सर्व खाती, पोलीससंबंधी खाते, रस्ता वाहतूक प्राधिकरण (आरटीओ) आणि मुंबई मेट्रो रेल कॉर्पोरेशन (एमएमआरसीएल) यांचे प्रतिनिधी यांचा समावेश असलेल्या वाहतूक प्राधिकरण स्थापनेचे काम हाती घेतले आहे. त्यांच्या मार्फत वाहतूक व्यवस्थापन आराखड्याचा विस्तार करण्यात येणार असल्याची माहिती पालिका प्रशासनाने दिली.

पार्किंग व्यवस्थापन होणार सुलभ

मुंबईतील सर्व २४ वॉर्डांकरिता प्रत्येक वॉर्डात वाहतूक व्यवस्थापन आराखडा (पीएमपी) तयार केला जाईल व त्यात रस्त्यावरच्या व रस्त्याबाहेरच्या पार्किंगकरिता जास्तीत जास्त सोईचे अशी पार्किंग व्यवस्था असेल. मुंबईत पार्किंगसाठी आता अॅप उपलब्ध होणार आहे.

वाहन तऴांची उपलब्धता, बुकींग आणि शुल्क भरण्याची सुविधा आता अॅपवर उपलब्ध होणार आहे. सुरक्षा सुलभता आणि सार्वजनिक हिताच्या दृष्टीने मुंबई वाहनतळ प्राधिकरणाची स्थापना करण्यात आल्याची माहिती पालिका प्रशासनाने दिली.