आता उच्चभ्रूंच्या वस्तीत वाढतोय कोरोना; वाचा कोणते वॉर्ड ठरतायत हॉटस्पॉट... 

मुंबई : देशासह राज्यात कोरोना रुग्णांची संख्या झपाट्याने वाढत असताना मुंबईत मात्र कोरोनाचे प्रमाणात कमी होत असल्याचे चित्र आहे. मुंबईसाठी ही निश्चितच अभिमानाची बाब आहे. कोरोनाचा हॉटस्पॉट ठरलेल्या धारावी झोपडपट्टीतही कोरोना चांगल्याप्रकारे नियंत्रणात आला आहे. मुंबईकरांसाठी ही दिलासादायक बाब असलीतरी मुंबईतील काही भागात कोरोना डोके वर काढत असल्याचे चित्र समोर येत आहे.

'दिल बेचारा'साठी अभिनेत्री संजना सांघीने शिकली बंगाली भाषा...

मुंबईतील कुलाबा ए प्रभाग आणि वांद्रे, खार, सांताक्रुझ पश्चिम एच पश्चिम प्रभागात  कोव्हिड संक्रमण वाढू लागले आहे. या दोन प्रभागातील रुग्ण दुप्पट होण्याचा कालावधी घटला असून वाढीच्या दर वाढला आहे. ए प्रभागात 13 जुलै रोजी कोरोनाचे रुग्ण 62 दिवसात दुप्पट होत होते.  17 जुलै पर्यंत हा कालावधी 43 दिवसांपर्यंत आला आहे. तर एच पश्चिम मध्ये हा कालावधी 46 दिवसांवरुन 43 दिवसांवर आला असल्याची माहिती महापालिकेने प्रसिध्द केली आहे. 

रिकव्हरी रेटमध्ये ‘मुंबई’ अव्वल; देशासह राज्यालाही टाकले मागे... 

मुंबईतील कोरोनाच्या रुग्ण दुप्पट होण्याचा कालावधी 54 दिवसांवर आला तर वाढीचा दर 1.30 टक्क्यांवर पोहचला आहे. वांद्रे, सांताक्रुझ पूर्व एच पूर्व प्रभागात रुग्ण दुप्पट होण्याचा कालावधी 153 दिवसाचा आहे. बोरीवली आर मध्य या एकमेव प्रभागात रुग्ण दुप्पट होण्याचा कालावधी 28 दिवसांवर स्थिर आहे.

रुग्णांकडून वाढीव बिल वसूल केल्यास, ते पुन्हा मिळणार! ठाणे महापालिकेचं मोठं पाऊल...

शहरातील इतर भागांमध्ये कोविड संक्रमणावर नियंत्रण येत आहे. मात्र ए आणि एच पश्चिम प्रभागातील सक्रमणाचा दर वाढला आहे. ए प्रभागात 13 जुलै पर्यंत 2098 रुग्ण आढळले होते. तर, 17 जून रोजी 2246 रुग्ण नोंदविण्यात आले आहेत. 13 जुलै रोजी कोरोनाच्या रुग्णवाढीत या प्रभागाचा क्रमांक 17 होता तो आता 5 वर आला आहे. एच पश्चिम प्रभागात 13 जुलैपर्यंत  2393 रुग्ण आढळले होते. तर 17 जुलैपर्यंत 2547 रुग्ण आढळले आहेत. या प्रभागाचा क्रमांक 8 वरुन 6 क्रमांकावर घसरला आहे.

मुंबईनजीकच्या 'या' मोठ्या शहरासाठी मागवणार 4 हजार अँटिजेन किट्स...

मुलुंड, दहिसरमध्ये रुग्णवाढ घटली
मुंबईतील रुग्णवाढीचा दर 1.30 टक्क्यांपर्यंत खाली आला आहे. फक्त बोरिवली प्रभागातील दर दोन टक्क्या पेक्षा जास्त 2.5 टक्के स्थिर आहे. ए प्रभागातील रुग्ण वाढीचा दर 1.1 टक्क्यावरुन 1.6 टक्क्यांवर, तर एच पश्चिम प्रभागातील दर 1.5 टक्क्यांवरुन 1.6 टक्क्यांवर आला आहे. मुलुंड टी, ग्रॅन्ट रोड, कांदिवली आर दक्षिण आणि आर उत्तर दहिसर या प्रभागातील रुग्णवाढीचा दर पूर्वी दोन टक्क्यांहून अधिक होता. तो आता मुलुंड 2 टक्के, ग्रॅन्टरोड 2 टक्के,कांदिवली 1.9 आणि दहिसर 1.6 टक्क्यांवर आला आहे.

मानसिक आरोग्याबाबत जनजागृतीसाठी एकता कपूरने स्थापन केले 'मेन्टल हेल्थ अवरनेस फंड'...

रुग्ण दुप्पट होण्याचा कालावधी 

---
(संपादन : ऋषिराज तायडे)