वारकऱ्यांची थेट मुंबई उच्च न्यायालयात धाव, 'ही' आहे मागणी..

सकाळ वृत्तसेवा
सोमवार, 29 जून 2020

आषाढी वारीचा पालखी सोहळा रद्द करण्याचा निर्णय जरी घेण्यात आला असला तरीही ज्ञानेश्वर आणि तुकाराम महाराजांसह सर्व संतांच्या पादुका या पंढरपुरात श्री विठ्ठल दर्शनासाठी नेण्यात येणार आहेत.

मुंबई - महाराष्ट्रात कोरोनाचे सर्वाधिक रुग्ण आहेत. याच धर्तीवर यंदाचे सर्व सण आणि उत्सव कमीत कमी लोकांच्या उपस्थितीत साधेपणाने साजरे करण्यात येतायत. याला यंदाची वारी ही देखील अपवाद नाही. कोरोनाच्या पार्श्वभूमीवर चालत निघणाऱ्या वारीला परवानगी नाही. वाखरी ते पंढरपूर अशी पायी वारी काढू द्यावी यासाठी आता वारकरयांनी थेट मुंबई उच्च न्यायालयाचे दरवाजे ठोठावलेत. जगन्नाथ पुरी रथ यात्रेला जर परवानगी मिळत असेल तर वारीला का नाही असा सवाल करत पुण्यातील वारकरी सेवा संघाकडून मुंबई उच्च न्यायालयात जनहित याचिका दाखल करण्यात आली आहे. काही अटी आणि शर्थींसह वारीला देखील परवानगी द्यावी अशी मागणी आता केली जातेय. 

हेही वाचा - मुंबई, पुण्यात प्रेमात 'धोका' मिळाल्यावर 'अशी' रिऍक्ट करतेय तरुणाई, जाणून घ्या काही इंट्रेस्टिंग फॅक्ट्स...

काय आहे वारकऱ्यांची मागणी ? 

  • वाखरी ते पंढपूर हे १०० किलोमीटरचं अंतर वारकर्यांना पायी कापायचं आहे.
  • यासाठी १०० वारकऱ्यांना वाखरी ते पंढरपूर वारी काढण्यास परवानगी द्यावी अशी मागणी केली जातेय.
  • सोबतच वारीतील महत्त्वाच्या परंपरा म्हणजे नगर प्रदक्षणा, स्नान आणि गोपाळकाला सोबतच पौर्णिमेपर्यंत मुक्कामी राहण्याची परवानगीही मागण्यात आलीये. 

मुख्यमंत्री जाणार पंढरपूरला 

आषाढी एकादशीला मुख्यमंत्र्यांच्या हस्ते पंढरपुरात पूजा केली जाते. वारकरी बांधवांचा प्रतिनिधी म्हणून मी पंढरपुरात जाणार आहे. आपली आषाढी वारीची परंपरा जपण्यासाठी मी पंढरपुरला चाललो आहे. विठूरायाला कोरोनाचं संकट संपवण्यासाठी आणि आरोग्यदायी आयुष्य मागण्यासाठी साकडं घालणार असल्याचंही मुख्यमंत्री उद्धव ठाकरे यांनी म्हटलंय. 

हेही वाचा  - कोरोना रोखण्यासाठी मायानगरी 24 तास सुरू राहणार? वाचा ही भन्नाट आयडिया...

पालखी सोहळा आणि चालत वारी रद्द, मात्र संतांच्या पादुका पोहोचणार पंढरपुरात 

कोरोनाच्या पार्श्वभूमीवर पहिल्यांचंदाचं पंढरपूरची वारी रद्द करण्यात आली. २९ मे रोजी हा सरकारने हा निर्णय घेण्यात. मात्र आषाढी वारीचा पालखी सोहळा रद्द करण्याचा निर्णय जरी घेण्यात आला असला तरीही ज्ञानेश्वर आणि तुकाराम महाराजांसह सर्व संतांच्या पादुका या पंढरपुरात श्री विठ्ठल दर्शनासाठी नेण्यात येणार आहेत. शिवनेरी बसमधून या पादुका पंढरपुरात नेल्या जाणार असल्याचं बोललं जातंय.

warkari community from pune filed petition in mumbai high court read full news  


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: warkari community from pune filed petition in mumbai high court read full news