हळदीत नाचता नाचता तो पडला आणि...

उल्हासनगर : लग्नसमारंभापेक्षाही तरूणाईसाठी अधिक जवळचा असणारी हळदी समारंभ एका तरूणाला चांगलाच महाग पडला आहे. हळद म्हटला की, सर्व घरातल्या मंडळींसह सर्व मित्रपरिवाराच एकच काम हळद खेळायची आणि नाचून नाचून धिंगाणा घालायचा. त्यात जेवनाची मेजवानी म्हणजे दुग्धशर्करा योगच... 

हेही वाचा - गाईच्या मृत्यू प्रमाणपत्रासाठी लाच

उल्हासनगरमध्ये मात्र ही हळद एका तरूणाच्या जीवावर बेतली आहे. हळदीत डीजेच्या तालावर बेभान नाचणाऱ्या या तरूणाला  अचानकपणे हृदयविकाराचा झटका आल्याने त्याच मृत्यू झाला आहे. अर्षद शेख असे मृत्यू झालेल्या तरुणाचे नाव असून तो अवघ्या 25 वर्षाचा होता. 

महत्त्वाची बातमी - रेशन कार्ड 'आधार' ला जोडा, अन्यथा...

उल्हासनगर शहरातील कॅम्प नं.3 येथील ओटी सेक्‍शन परिसरातील एका हळदी सभारंभात ही घटना घडली आहे. ओटी सेक्‍शन परिसरातील आशीर्वाद सोसायटीमध्ये अर्षद शेख हा कुटुंबासह राहत होता. याच परिसरात एका लग्न सोहळ्याच्या निमित्ताने हळदी समारंभ ठेवण्यात आला होता. या वेळी डीजेच्या तालावर बेभान नाचत असताना त्याच्या छातीत दुखू लागल्याने त्याला अर्षदला उपचारासाठी त्वरित मध्यवर्ती शासकीय रुग्णालयात दाखल करण्यात आले. मात्र येथील डॉक्‍टरांनी त्याला तपासून मृत घोषित केले. या प्रकरणी मध्यवर्ती पोलिस ठाण्यात अकस्मात मृत्यूची नोंद करण्यात आली आहे. अधिक तपास पोलिस उपनिरीक्षक वाजे करीत आहेत.  
 

web title : while dancing he had heart attack