हळदीचे दूध आणि काढा ते कसे बनवायचे, हे आपण आज पाहूयात

जगभरात सुरू असलेली कोरोनाची साथ आणि पावसाळ्यामुळे प्रतिकारशक्ती चांगली असणे खूप गरजेचे बनले आहे. कोणताही पदार्थ चविष्ट बनवण्यासाठी पारंपरिक भारतीय मसाल्यांचा आपण वापर करतो. हे मसाले पौष्टिक असतातच, शिवाय त्यांच्यामध्ये औषधी गुणधर्मही मोठ्या प्रमाणावर असतात. प्रतिकारशक्ती वाढवण्यासाठी हळदीचे दूध आणि हे पारंपरिक मसाला घालून केलेला काढा अतिशय उपयुक्त आहे. ते कसे बनवायचे, हे आपण आज पाहूयात. दररोज रात्री झोपताना हळदीचे दूध व सकाळी उठल्यावर काढा अवश्य घ्या. 

ताज्या बातम्यांसाठी डाऊनलोड करा ई-सकाळचे ऍप

हळदीचे दूध 
साहित्य - एक ग्लास दूध, अर्धा चमचा हळद, काळी मिरी पावडर 
कृती - ग्लासभर दुधात अर्धा चमचा हळद आणि काळी मिरी पावडर टाकून व्यवस्थित उकळावे. रात्री गरम प्यावे. हळदीमध्ये कर्क्युमिन रसायन असते. काळी मिरी पावडरीमुळे ते शोषले जाते. 

काढा 
साहित्य - दीड ग्लास पाणी, किसलेले आले, जीरा पावडर, दालचिनी, ओवा, बडिशेप, लवंग. तुळशीची पाने, लिंबू 
कृती - तुळशीची पाने व लिंबू वगळता इतर सर्व साहित्य पाण्यात उकळावे. साधारण एक ग्लास पाणी होऊ द्यावे. त्यानंतर, गरजेप्रमाणे लिंबू पिळावे. आपला गरम, औषधी काढा तयार झाला. 

विशेष सूचना - तुम्हाला वरीलपैकी कोणताही पदार्थ टाळण्याचा सल्ला डॉक्टरांनी दिला असल्यास तो वगळून काढा तयार करावा. 

(Edited by : Kalyan Bhalerao)