नांदेड : कोरोना या विषाणूने संबंध जगाला हादरुन सोडले आहे. महासत्ता म्हणणाऱ्यांनी या गंभीर आजारापुढे गुडघे टेकविले आहे. मात्र आजार कितीही गंभीर असो त्याला नियंत्रणात ठेवण्यासाठी आरोग्य कर्मचारी सतत धडपडत आहेत. त्यांच्या सोबतच स्वच्छता आणि पोलिस कर्मचारी खांद्याला खांदा देऊन स्वत: कडे व कुटुंबियांकडे दूर्लक्ष करून नागरिकांच्या आरोग्याची काळजी घेत आहेत. अशा या बहाद्दर कोरोना यौध्यांचे पाय धुवून आणि त्यांचे औक्षण करून सन्मान केला. यासाठी बिलोली येथील विश्‍व हिंदू परिषदेने पुढाकार घेतला.
कोरोना या महामारीचा प्रादूर्भाव रोखण्यासाठी संबंध जगभरात लॉकडाउन सुरू आहे. भारतातही लॉकडाउनचा तिसरा टप्पा रविवारी (ता. १७) संपून चौथा टप्पा जाहीर करण्यात येणार आहे. या लॉकडाउनच्या काळात हातावर पोट असणाऱ्यांचे बेहाल झाले. अनेक कामगारांच्य४ हातचे काम गेले. त्यामुळे त्यांच्या कुटुंबियावर उपासमारीची वेळ आली. मात्र त्यांनाही काही समाजसेवी संस्था व शासनाकडून आर्थीक व जीवनावश्‍यक वस्तुंचे वाटप करण्यात आले. जिल्हाभरातील हजारो नागरिकांना मदत करण्यात आली. या लॉकडाउनचा फटाक श्रीमंतासह गरिब व कामागारांना तसेच हातावर पोट असणाऱ्यांनाही बसला आहे.
कोरोना यौध्यांना प्रोत्साहान
जिल्ह्यात कोरोना बाधीतांची संख्या दिवसेंदिवस वाढत आहे. प्रशासन या आजाराची बाधा वाढू नये मह्णून जिल्हाभरात आपल्या शासकिय यंत्रणेच्या मार्फत नागरिकांना सतर्क करुन सेवा देत आहेत. आरोग्य कर्मचारी, स्वच्छता आणि पोलिस कर्मचारी आपल्या कुटुंबाची पर्वा न करता या अदृष्य कोरोनाच्या युद्धात लढत आहेत. त्यांना हिम्मत देणे हेच आपल्या हातात आहे. त्यामुळे बिलोली शहरात शनिवारी तहसिल कार्यालय व बसस्थानक परिसरात विश्‍व हिंदु परिषदेच्या पदाधिकाऱ्यांनी एक आगळ्या- वेगळ्या उपक्रमाने या कोरोना यौध्यांना प्रोत्साहान दिले.
येथे क्लिक करा - नांदेडमध्ये काय चाललंय ?- वाळूसोबत आता माती माफिया सक्रीय
कोरोना यौध्ये भाऊक झाले होते
आरोग्य, स्वच्छता आणि पोलिस तसेच महसुलच्या अधिकारी व कर्मचाऱ्यांचे चक्क पाय धुवून त्यांची ओवाळणी केली. कपाळी अष्टगंधाचा टीळा लावून त्यांचे औक्षण केले. यानंतर सर्व कोरोना यौध्ये भाऊक झाले होते. या उपक्रमाची जिल्हाभरात चांगलीच चर्चा ऐकावयास मिळत होती. या सर्व कोरोना यौध्यांनी विश्‍व हिंदू परिषदेच्या सर्व पदाधिकाऱ्यांचे कौतुक करून आपली साथ अशीच आमचत्या पाठीमागे ठेवा. तसेच कामाशिवाय घराबाहेर पडू नका, हा आजार अतिशय गंभीर असून शारिरीक अंतर ठेवून व्यवहार करा आणि प्रशासनाला सहकार्य करा असे आवाहन त्यांनी केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.