कोल्हापुरात दुधाळी पॅव्हेलियनवर उभारतंय 50 बेडचे कोव्हिड केअर सेंटर

कोल्हापूर : दुधाळी पॅव्हेलियन येथे नवीन कोव्हिड केअर सेंटर सुरू करण्यात येणार असून या कोव्हिड केअर सेंटरच्या उभारणीच्या कामाची आयुक्त डॉ. मल्लिनाथ कलशेट्टी यांनी आज पाहणी केली. 50 बेडचे हे कोव्हिड केअर सेंटर सर्व सुविधायुक्त करण्यावर अधिक भर असून सर्व संबंधितांनी सेंटरच्या उभारणीचे काम अधिक गतीने करावे, अशी सूचना आयुक्त डॉ. मल्लिनाथ कलशेट्टी यांनी केली. 

हेही वाचा - Covid 19 Update : कोल्हापुरात 24 तासात 1 हजार 180 व्यक्ती कोरोनामुक्त तर 800 नवे कोरोनाबाधित 

नगरसेवक प्रतापसिंह जाधव यांच्या पुढाकाराने व लोकसहभागातून दुधाळी पॅव्हेलियन येथे नवीन कोव्हिड केअर सेंटर उभारण्यात येत असून हे केंद्र लवकरात लवकर सुरु करण्याच्याद्‌ष्टीने महापालिका प्रशासन आणि नगरसेवक प्रतापसिंह जाधव यांचे प्रयत्न आहेत. या कोव्हिड केअर सेंटरचे कपिल अधिक यांच्यामार्फत मोफत पेंटिंग करून देण्यात येत आहे ही समाधानाची बाब आहे.

हेही वाचा - Photo : हसतयं ,व्‍यथित होतयं, पन्‍हाळगडाचं वातावरण 

नगरसेवक प्रतापसिंह जाधव यांच्या पुढाकाराने व लोकसहभागातून उभारण्यात येणाऱ्या या कोव्हिड केअर सेंटरसाठी इच्छुक व्यक्ती, संस्थांनी नगरसेवक प्रतापसिंह जाधव यांच्याशी संपर्क साधून आवश्‍यक ती मदत करावी, असे आवाहन आयुक्त डॉ. मल्लिनाथ कलशेट्टी यांनी केले आहे. यावेळी नगरसेवक प्रतापसिंह जाधव, सहाय्यक आयुक्त चेतन कोंडे, कनिष्ठ अभियंता प्रमोद बराले, उमेश माने आदी उपस्थित होते. 

संपादन - स्नेहल कदम