दु्र्दैवी! आर्याच्या आयुष्यातील मैत्रिणींसोबतचा वाढदिवस ठरला शेवटचा ; वाटेतच तिच्यावर काळाने घातला घाला

नागाव (कोल्हापूर) : भरधाव मोटारीच्या धडकेत मोपेडस्वार महाविद्यालयीन विद्यार्थिनी जागीच ठार झाली. तर तिच्या सोबत असणारी तिची मैत्रीण गंभीर जखमी झाली. कु. आर्या संजय पाटील ( वय 17, रा. कोल्हापूर ) असे मृत विद्यार्थिनीचे नाव आहे. कु. मल्लिका मन्सूर पठाण ( वय 17, रा. विठ्ठल नगर, शिये) असे जखमी विद्यार्थिनीचे नाव आहे. शिये ( ता. करवीर ) येथील स्टोन क्रशर परिसरात शिये - भुये रोडवर दुपारी अडीचच्या सुमारास हा अपघात घडला.

याबाबत पोलिसांतून व घटनास्थळी मिळालेली माहिती अशी : आर्या व मल्लिका या दोघी कोल्हापूर येथील विवेकानंद महाविद्यालयात बारावी कॉमर्समध्ये शिकत आहेत. आज दुपारी ग्रुपमधील एका मैत्रिणीचा वाढदिवस साजरा करुन आर्या आपल्या मोपेडवरून ( एमएच 09 बीआर 2285 ) मल्लिकाला घरी सोडण्यासाठी शियेला आली होती. मल्लिकाचे घर अवघ्या अर्धा एक किलोमीटर अंतरावर असेल. एवढ्यात शियेतून राष्ट्रीय महामार्गाकडे भरधाव वेगाने जाणाऱ्या इर्टीका ( एमएच 09 एफजे 7070 ) मोटारीने आर्याच्या मोपेडला जोराची धडक दिली. या धडकेत आर्या व मल्लिका दोघी खाली पडल्या. पण मोटारीचे चाक आर्याच्या अंगावरून गेल्याने ती जागीच ठार झाली. मल्लिकाला पडल्यामुळे हाताला गंभीर दुखापत झाली. तीला उपचारासाठी खासगी दवाखान्यात दाखल करण्यात आले. अपघाताची नोंद शिरोली एमआयडीसी पोलीस ठाण्यात झाली आहे. 

हेही वाचा - आयुष्यभर साथ देण्याचं वचन विसरला ; 8 वर्षांपूर्वी प्रेमविवाह, आता पत्नीचा केला खून, असं काय घडल ? -

संपादन - स्नेहल कदम