मोठी बातमी : वीस लाख रूपयांची लाच घेताना अधिकारी लाचलुचपतच्या जाळ्यात 

कोल्हापूर - जमिनीचे मूल्यांकन  कमी करण्यासाठी 45 लाखांची मागणी करून 20  लाखाची लाच घेताना सहाय्यक नगररचना अधिकाऱ्याला आज कोल्हापुरात रंगेहाथ पकडण्यात आले. कसबा बावडा येथील मुख्य प्रशासकीय इमारतीमधील सह जिल्हा निबंधक कार्यालयात आज दुपारी हा छापा टाकण्यात आला.

गणेश हणमंत माने (वय 45) असे अटक केलेल्या संशयीताचे नाव आहे. माने याने तक्रारदाराकडे ४५ लाख रूपयांच्या लाचेची मागणी केली होती. त्यातील २० लाख रूपये घेताना कोल्हापूर लाचलुचपत प्रतिबंधक विभागाने त्याला सापळा रचून रंगेहात पकडले.  

हे पण वाचा - Video -कोल्हापुरी चप्पल घेताना फसवणूक होतेय! मगअशी ओळखा बनावट चप्पल

 याबाबत तक्रारदाराने २२ जानेवारीला लाचलुचपत विभागाकडे तक्रार दाखल केली होती. त्यानुसार खारजमा करून आज सापळा लचण्यात आला. कार्यालयाच्या खाली चहाच्या टपरीवर ही रक्कम घेत असताना ही कारवाई केली. यावेळी एक लाख रूपयांच्या दोन हजाराच्या नोटा तर उर्वरित 1900000 पाचशे रुपयांच्या नोटा असल्याचे आढळून आले
 आहे.  

संपादन - धनाजी सुर्वे