कोल्हापूर : दरवर्षी पावसाळा आला की, परिसरात विविध रंगांची आळंबी उगवतात. काही आळंबी अन्नात उपयोगाला येतात, तर काही आळंबी घातक विषारी असतात. दरवर्षी आळंबी खाऊन विषबाधा होणाऱ्या अनेकजण असतात. यापैकी काही व्यक्तीत विषाचा असर कमी होतो, तर काही व्यक्तींना असर अधिक वाढतो. अनेकदा विषारी आळंबी खाल्ल्याने मृत्यूही होतो. म्हणून परिसरात, शेतात, शिवारात, जंगलात कुठेही फिरायला गेल्यानंतर कुठलेही आळंबे दिसले तर ते खाऊ नका. ज्यांना आळंबीची माहिती आहे, त्यांना विचारून मगच आळंबी खा, विषारी अन् बिनविषारी अशा आळंबीच्या प्रजाती आहेत. ही आळंबी रात्री उगवते आणि सकाळी कोमेजून पडते. आळंबीच्या टोपीखाली किटक, किडे असतात. दुपारपर्यंत हे आळंबी पूर्णपणे नासते.
बेंदूर झाला की, अशी खाण्यायोग्य आळंबी घेऊन कपिलतीर्थ मार्केट, महाद्वार रोड, पापाची तिकटी, मिरजकर तिकटी आदी ठिकाणी शेतकरी येतात. खाण्याचे आळंबी पांढऱ्या रंगाचे अन् टोपीवर चॉकलेटी रंग असतो. हे आळंबी अन्नासाठी वापरतात. आळंबी आणण्यासाठी पहाटे शेतात, जंगलात जावे लागते. जिथे सेंद्रिय पदार्थ भरपूर असतात. तिथेच ही आळंबी उगवतात.
घातक आळंबी
जगातील ७०/८० आळंबीच्या प्रजाती घातक आहेत. यापैकी अमानिटा फॅलाईडस् (डेथ कॅप), कोनोसाईब फिलारीस, कॉर्टिनारियस् (वेब कॅप), गॅलेरियाना मार्जिनाटा (ऑटमन स्कलकॅप), ॲमानिटा (डिस्ट्रॉईंग एंजल्स्), पोडोस्ट्रोमा कॉन्यूॅडॅमेई, लॅपिएटा ब्रुनेएइनकार्नेटा (डेडली डॅपरलिंग) या अतिघातक प्रजाती आहेत. विशेषत: या सर्व प्रजाती परिसरात अन् पश्चिम घाटात आढळतात.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.