हातकणंगले (कोल्हापूर) : गेल्या काही वर्षापासून हातकणंगले येथे रहात असलेलया एका ३५ वर्षीय परप्रांतीय कामगाराचा कोरोना बाधीत असल्याचा अहवाल काल आल्यानंतर हातकणंगले आणि परिसर हादरून गेला आहे. खडबडून जागे झालेल्या प्रशासनाने तो रहात असलेली इमारत सील केली आहे.
त्याची पत्नी , मुलांसहीत तो कोरोचीतील ज्या युवकांसोबत कारमधून आला त्यांना विलगीकरण कक्षांत ठेवले असून त्याच्याशी संबंधित ३० जणांचे स्वॅब तपासणीसाठी पाठवले आहेत. दरम्यान पूर्ण गाव आजपासून पाच दिवसांसाठी लॉक डाऊन जाहिर करण्यांत आले आहे. संबंधित कामगार गेले काही महिने बुरहानपूर( म. प्रदेश ) येथे कामाला आहे. तो कोरोचीतील एका युवकांसह गेल्या आठवडयांत कारने हातकणंगलेत आला आहे.
२० ता. ला त्याचा स्वॅब तपासणीसाठी पाठवला होता. काल त्याचा अहवाल पॉाझिटीव्ह आल्याने सर्वत्र खळबळ उडाली. तो रहात असलेली इमारत सील करण्यांत आली आहे. त्या इमारतीपासून अर्ध्या कि.मी. चा परिसर कन्टेंनमेंट झोन म्हणून जाहिर केला असून चारी बाजूंनी सील केला आहे. तर तीन कि.मी. चा परिसर बफर झोन म्हणून जाहिर केला असून यातील सर्वाची आरोग्य तपासणी केली जाणार आहे. दरम्यान ठाणे येथून भादोले येथे आलेल्या व पॉझिटीव्ह अहवाल आलेल्या ३२ वर्षीय महिलेलाही सीपीआरमध्ये पाठवण्यांत आले आहे. भादोले गावांतही लॉक डाऊन जाहिर केले आहे तर त्या महिलेशी संबंधित ४० जणांचे स्वॅब तपासणीसाठी पाठवले आहेत. त्यामुळे सर्वांचे या स्वॅबच्याअहवालाकडे लक्ष लागले आहे....
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
