तुला माहिती नाही काय ? मी डॉन आहे, म्हणणाऱ्या 'गेंड्या' भाईवर गुन्हा

कोल्हापूर : 'मी कोण आहे, तुला माहिती नाही काय, मी डॉन आहे. गेंड्या भाई म्हणतात मला...' असे सुनावत एका भाईसह त्याच्या दोघा साथिदारांनी तरूणास काठीने मारहाण केली. पाचगाव परिसरातील एका फार्म हाऊस जवळ हा प्रकार घडला. याची नोंद करवीर पोलीस ठाण्यात झाली. 

याबाबत पोलिसांनी दिलेली माहिती अशी की, निलेश घोरपडे हे संभाजीनगर परिसरात राहतात. त्यांचा पाचगाव (ता. करवीर) परिसरात फार्म हाऊस आहे. मंगळवारी (ता.16) सायंकाळी ते व त्यांचा भाऊ हे दोघे फार्म हाऊसवर होते. फार्महाऊसच्या गेट समोर एक जण लघुशंका करत होता. त्याला निलेश यांनी बाजूला जाण्यास सांगितले. याचा त्याला राग आला. त्याने त्यांना 'तुला माहीत नाही का, मी डॉन आहे. गेंड्या भाई म्हणतात मला. असे सुनावत त्यांना लाथाबुक्‍याने मारहाण केली. तसेच त्याच्या सोबत असणाऱ्या दोघा अज्ञातांनी त्यांना काठीने मारहाण करत त्यांच्या मोटारीची काचही फोडली. त्याचबरोबर त्यांच्या भावाचा चेष्माही फोडून धमकीही दिली. अशी तक्रार मारहाणीत जखमी झालेल्या निलेश यांनी करवीर पोलीस ठाण्यात दिली. त्यानुसार संशयित गेंड्या नावाच्या व्यक्तीवर पोलिसात गुन्हा दाखल करण्यात आला. 

हेही वाचा - पाणी मागण्याच्या बहाण्याने घरात शिरले अन् वृद्धेच्या अंगावरील दागिने पळवले -

संपादन - स्नेहल कदम