धामोड (जि. कोल्हापूर) : म्हासुर्ली पैकी मधला धनगरवाडा (ता. राधानगरी )येथे प्रसुतीवेळी मातेसह नवजात अर्भकाचा मृत्यू झाला. भागुबाई राजाराम घुरके ( वय 26 ) असे तिचे नाव आहे. या महिलेवर वेळीच वैद्यकिय उपचार न झाल्यामुळे बाळ व मातेला जीव गमवावा लागला. गुरुवारी ( ता. 19 ) सकाळी सहा वाजता ही घटना घडली. उपचाराअभावी मृत्यू होण्याची येथील ही दुसरी घटना आहे.
हे धनगरवाडे मुख्य रस्त्यापासून सुमारे सात किलोमीटर डोंगरात आहेत. येथे जाण्यासाठी फक्त पायवाट आहे. बुधवारी ( ता. 18 ) रात्री 2 वाजता भागुबाई यांना प्रसववेदना सुरु झाल्या. त्यामुळे लोकांनी त्यांना बाजल्यावरुन पक्क्या रस्त्यापर्यंत आणण्याचा प्रयत्न केला. पण वाटेतच प्रसुती होणार असलेने त्यांनी त्या महिलेला पुन्हा घरी नेले. तीची प्रसुती झाली. मात्र उपचार वेळेत न मिळाल्याने मोठ्या प्रमाणात रक्तस्राव झाला. यामध्येच मातेचा व बाळाचा मृत्यू झाला. राधानगरी तालुका आरोग्य अधिकारी श्री. राजेंद्र कुमार शेटे व प्राथमिक आरोग्य केंद्र धामोडच्या पथकाने घटनास्थळी भेट दिली.
तीन महिन्यापूर्वी सुनील गंगाराम घुरके या 11 वर्षाच्या मुलाचा रूग्णालयात वेळेवर पोहोचता न मिळाल्याने सर्पदंशाने मृत्यू झाला होता. त्यापाठोपाठ आज भागूबाई आणि बाळाचा मृत्यू झाला. येथील उपचाराअभावी घडलेली तीन महिन्यातील मृत्यूची ही दुसरी घटना आहे.
मुख्य रस्ता नाही
येथे अद्याप ही मुख्य रस्ता नसल्याने अनेकांचा जीव धोक्यात आहे. प्रशासन आणखी किती बळी घेणार? असा सवाल येथील विकास मलगुंडे यांनी केला.
संपादन - धनाजी सुर्वे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
