इफको संस्थेच्या सभासद संस्थांसाठी खुशखबर ; खात्यामध्ये होणार 20 टक्के डिव्हीडंड जमा

कोल्‍हापूर : इंडियन फारमर्स  फर्टीलायझर को-ऑपरेटिव्ह लिमिटेड अर्थात इफको या संस्थेमार्फत यावर्षीही सभासद संस्थांना  20% डिव्हिडंड देण्यात आला. गेली अठरा वर्षे इफको मार्फत सभासदांना 20% डिव्हिडंड देण्यात येत आहे. तसेच सलग 19 वर्ष 20% डिव्हिडंड देणारी इफको ही संस्था आहे.

हेही वाचा - आता मिळणार स्वस्त दरात चोवीस तास वीज ; ही आहे योजना 

इफको ही देशातीलच नव्हे तर जगातील सहकार क्षेत्रातील खत उत्पादन व विपणन करणारी सर्वात मोठी संस्था आहे. नुकतीच इफकोची 49 वी वार्षिक सर्वसाधारण सभा 26 ऑगस्ट रोजी ऑनलाइन कॉन्फरन्स पद्धतीने घेण्यात आली. त्यामध्ये सर्व सभासद संस्थांना 20% डिव्हिडंड देण्याचे जाहीर करण्यात आले. सर्व सभासद संस्थांच्या अकाउंट मध्ये ऑनलाईन पेमेंट करून डिजिटल स्वरूपात डिव्हिडंड जमा करण्यात आल्याची माहिती गोकुळचे ज्येष्ठ संचालक व इफकोचे आमसभा सदस्य विश्वास पाटील यांनी दिली. 

हेही वाचा - तो कॉल आला आणि आयुक्त का झाले अवाक् ? 

भारतातील सहकार क्षेत्रातील इफको ही एक अग्रगण्य संस्था म्हणून ओळखली जाते. इफकोच्या स्थापनेवेळी फक्त 57 सभासद संस्था होत्या. आता ती सभासद संस्थांची संख्या जवळजवळ 36 हजार इतकी झाली आहे. भारतातील शेतकऱ्यांच्या उन्नतीसाठी  इफकोचे योगदान आहे. तसेच सध्या भारत सरकारच्या आत्मनिर्भर भारत अभियानामध्ये सहभागी होऊन इफको भरीव योगदान देत आहे.

संपादन - स्नेहल कदम