FasTag Update: फास्टटॅग बंद करा अन्यथा  मनसे स्टाईलने आंदोलन; पुणे बंगळूर महामार्गावर राडा

घुणकी (कोल्हापूर) :पुणे बंगळूर महामार्गावरील किणी (ता.हातकणंगले) पथकर नाक्यावरफास्टँगमुळे वाहनांची गर्दी झाल्याने पुण्याच्या माजी नगरसेवक व मनसेच्या कार्यकर्त्यां रुपाली पाटील यांनी मंगळवारी रात्री काही वेळ टोल फ्री केला.
 सोमवार पासून फास्टँगची सक्ती केली. ज्या वाहनांवर फास्टँग नाही. त्यांच्याकडून दुपट पैसे घेतल्याने वाद झाले आणि त्यातूनच वाहनांच्या रांगा लागल्या.मनसेच्या कार्यकर्त्यां रुपाली पाटील या कोल्हापूरला गेल्या होत्या. रात्री परताना  वाहनांची गर्दी झाल्याचे निदर्शनास आले.

" किणी टोलवरील फास्टँगच्या माध्यमातून सुरु असलेली लोकांची पिळवणूक थांबवा. नियमानुसार तीन मिनिटात वाहने जात नसल्यामुळे वाहनांच्या रांगा लागल्या. ७ किलोमीटरवर रांगा लागल्या आहेत. लोकांना सुविधा द्यायला आहात का मारायला ?
फास्टटॅग नाही म्हणून डबल पैसे का द्यायचे? डबल पैसे देणार नाही. पहिल्या रांगा बंद करा.फास्टटॅग करून वेळ वाचतच नाही. फास्टटॅग बंद करा अन्यथा  मनसे स्टाईलने आंदोलन करावे लागेल.असा इशारा अँड.पाटील यांनी देत काही वेळ वाहने फ्री सोडण्यास भाग पाडले. 

हेही वाचा- अमेरिकेत MH-09 KOP ; कोल्हापुरातील फॅन्सी क्रमांकाची क्रेझ  थेट न्यू जर्सीत

"नियोजन चांगले केले आहे. फास्टँगमुळे वाहने पंधरा सेंकदात जातात. पण ज्या वाहनांवर फास्टँग नाही. त्यांच्यामुळे वाहनांना उशीर होत आहे. त्यामुळे रांगा लागतात. 
टोल व्यवस्थापक प्रताप भोईटे यांनी सांगत अँड. पाटील यांची समजूत काढण्याचा प्रयत्न केला. तरीही सौ.पाटील यांनी काही वेळ टोल फ्रि करण्यास भाग पाडलेच.दरम्यान आज दुपारी पथकर नाक्यावर गर्दीचे प्रमाण कमी झालेले पहायला मिळाले.

संपादन- अर्चना बनगे