सबस्क्राईब करा
- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
- Games esakal
कोल्हापूर : "जगात भारी आम्ही कोल्हापुरी' हे काय असते, हे आता थेट अमेरिकेतील "न्यू जर्सी' राज्यातही दिसू लागले आहे. कोल्हापुरात मोटारीच्या क्रमांकावरून नेत्यांची, उद्योगपतींची वाहने ओळखली जातात. जिल्ह्यात वर्षात सुमारे पाच कोटी रुपयांचा महसूल अशा क्रमांकातून प्रादेशिक परिवहन कार्यालयाला मिळतो. "एमएच 09'ची क्रेझ वाढल्यामुळे कोल्हापुरातच नव्हे, तर पुण्यातही या नावाने हॉटेल आहेत. कोल्हापुरातून पुण्यापर्यंत झालेल्या एमएच 09चा प्रवास आता अमेरिकेत पोचला आहे. मूळचे कागलचे; पण सध्या न्यू जर्सीत राहणारे शंतनू शिंदे यांनी त्यांच्या मोटारीला चक्क MH-09 KOP' हा क्रमांक मिळविला आहे. त्यांच्यामुळे कोल्हापुरातील फॅन्सी क्रमांकाची क्रेझ थेट अमेरिकेत दिसली आहे.
शिंदे यांनी सुमारे 45 डॉलर खर्च करून त्यांच्या मोटारीला "MH-09 KOP` हा क्रमांक मिळविला आहे. अमेरिकेत सात "डिजिट'चा कोणताही क्रमांक तुम्ही घेऊ शकता. पूर्वी त्यांच्या मोटारीला त्यांनी "SHINDE` असा त्यांच्या आडनावाचा क्रमांक घेतला होता. मात्र, अलीकडेच घेतलेल्या नव्या मोटारीला या नंबरच्या माध्यमातून कोल्हापूर कनेक्‍टिव्हिटी देण्याचा प्रयत्न केला आहे. एखाद्या समारंभात ते मोटार घेऊन जातात, तेव्हा भारतीय नागरिक मोटारीबरोबर सेल्फी घेतात.
अमेरिकेत जाऊन दहा वर्षे होत आली, तरीही त्यांना कोल्हापूरच्या संस्कृतीबद्दल अभिमान आहे. छत्रपती शिवाजी महाराज यांच्याबद्दल आदर आहे. गणेशभक्ती आहे. त्यामुळे त्यांच्या मोटारीच्या डॅशबोर्डवर त्यांनी छत्रपती शिवाजी महाराजांची मूर्ती ठेवली आहे. रोज त्याची पूजा केली जाते. लॉकडाउनमुळे ते नुकतेच कोल्हापुरात आले होते, तेव्हा त्यांनी छत्रपती शिवाजी महाराजांचे रेडियमवर रेखाटलेले चित्रही बरोबर घेऊन गेले आहेत. सध्या तेथे बर्फ मोठ्या प्रमाणात पडत असून, ऊन आल्यानंतर तेही मोटारीच्या काचेवर चिटकविणार आहेत. यापूर्वीच्या त्यांच्या मोटारीवर "जय महाराष्ट्र' असे लिहिले होते.
मी मूळचा कागलचा. पत्नी निशिगंधा उत्तूरची. गेली दहा वर्षे आम्ही अमेरिकेतील न्यू जर्सी राज्यात राहतो. तेथे गणेशोत्सव, गुढीपाडवा, शिवजयंती साजरी करतो. आम्हाला कोल्हापूरचा अभिमान आहे. त्यामुळेच मी "एमएच 09 केओपी' हा क्रमांक मोटारीला घेतला आहे. कार्यक्रमांच्या ठिकाणी गेल्यानंतर अनेक भारतीय मोटारीसोबत सेल्फी काढतात. अशावेळी कोल्हापूरचा अभिमान वाटतो.
- शंतनू शिंदे, मूळ कागल, सध्या अमेरिका
संपादन- अर्चना बनगे
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.