हौशी कलाकारांचा महाद्वार आज सूना-सूनाच

कोल्हापूर : ढोल-ताशा पथकांचा घुमणारा दणदणाट यंदा नाही. पारंपरिक वेषात बाप्पाला निरोप देण्यासाठी आलेल्या भक्तांची अलोट गर्दी नाही. मंडळांचे प्रबोधन करणारे चित्ररथ नाहीत. बंद दुकाने, चिंतातूर चेहऱ्यांनी वावरणारी तुरळक माणसे अशा विचित्र वातावरणातील सकाळ आज महाद्वार रस्त्याने ऐन अनंतचतुर्दशीला अनुभली.

शहरातील बहुतांशी मंडळांनी सकाळच्या सत्रातच सार्वजनिक कुंडात गणेश विसर्ज केले. तर काही जणांनी मोजक्‍या कार्यकर्त्यांबरोबर जावून इराणी खणीत विसर्जन केले. सकाळी अत्यंत उत्साही वातावारणात होणारी विसर्जन मिरवणूक यंदा कोरोनाच्या पार्श्‍वभूमीवर झाली नाही. 

हेही वाचा- शहरात कोरोनाग्रस्तांची संख्या चारशेपार, तरीही होम क्वारंटाईन लोक फिरतोहच खुलेआम

अनंतचर्तुदशीला दरवर्षी महाद्वार रस्ता हा हौशी कलाकारांचे हक्काचे ठिकाण असते. शहरातील बहुतांशी मंडळांचे कार्यकर्ते सकाळी पारंपरिक वाद्याच्या तालावर फेर धरत गणेश विसर्जन करतात. या मंडळांची मिरवणूक सकाळी 10 ते दुपारी 4 वाजेपर्यंत सुरू असते. यंदा मात्र कोरोनामुळे ही सकाळाच्या सत्रातील मिरवणूक झालीच नाही. महाद्वार रस्त्यावर मंडळाना प्रवेश बंदी करण्यात आल्याने रस्ता रिकामाच होता. माणसांची तुरळक ये जा सोडली तर या रस्त्याने शुकशुकाटच अनुभवला.

हेही वाचा-कोल्हापुरातील 9292 नंबरची क्रेझ अन्‌ साहेबप्रेमी

मंगळवार पेठ, शिवाजी पेठ, रविवार पेठ, जूना बुधवार पेठ येथील बहुतांशी मंडळांनी कुंडामध्ये मूर्ती विसर्जित केली. तर काही मंडळांनी इराणी खणीवर जावून गणेश विसर्जन केले. उपनगारीतल मंडळांनी खणीवर मूर्ती विसर्जनास प्राधान्य दिले. टाळ्या वाजवत आणि गणपती बाप्पा मोरया, पुढच्यावर्षी लवकर या असा गजर करत कार्यकर्त्यांनी मूर्ती विसर्जन स्थळापर्यंत नेली. सकाळी विसर्जन मोठ्या प्रमाणात झाले.  

संपादन -  अर्चना बनगे