कोल्हापूर जिल्ह्यात आज दुपार पर्यंत 57 व्यक्ती कोरोना पॉझिटिव्ह...

कोल्हापूर - जिल्ह्यात आज दुपार पर्यत 57 व्यक्ती पॉझिटिव्ह आल्या आहेत. त्यामुळे एकूण कोरोनाबाधितांची संख्या ३ हजार 129 झाली आहे. एकूण एक हजार ९१५ बाधितांवर उपचार सुरू आहेत. 

काल दिवसभरात दहा जणांचा मृत्यू झाला. त्यात कोल्हापूर शहरातील दोघे, इचलकरंजीतील चार, हातकणंगले तालुक्‍यातील माणगाव, तळंदगे, हुपरी येथील प्रत्येकी एक जण आहे. शिरोळ तालुक्‍यातील कुरुंदवाडच्या एका व्यक्तीचा समावेश आहे. हातकणंगले येथील एका व्यक्तीचा मृत्युपश्‍चात अहवाल पॉझिटिव्ह आला आहे. 

वाचा - VIDEO : संशयित रुग्णाच्या मृत्यूमुळे बेळगावात संतप्त जमावाकडून रुग्णालयावर तुफान दगडफेक, रुग्णवाहिकाही पेटवली....

जिल्ह्यातील १४ कोविड सेंटरमध्ये क्वारंटाईन असलेल्यांपैकी एक हजार २०८ व्यक्तींचे स्वॅब अहवाल काल रात्री पर्यत आले. यातील ८६६ व्यक्तींचे अहवाल निगेटिव्ह आले आहेत. उपचार घेणाऱ्या बाधितांतील एकूण २८ व्यक्तींची प्रकृती गंभीर आहे. उर्वरितांची प्रकृती स्थिर आहे.