सावधान : पोहायला जाताय मग ही बातमी वाचाच

कोल्हापूर : कसबा बावडा ते वडणगे परिसराला जोडणाऱ्या
राजाराम बंधाऱ्यावर काल रात्री सव्वा एक वाजता सहा फुटाच्या मगरीचे दर्शन झाले. बंधार्‍यावरून पुनाळला जाणाऱ्या युवकांना पुलावर थांबलेली मगर दिसली.रात्री 1.30 च्या दरम्यान  ती वडणगे जॅकवेलच्या बाजूला नदीत गेली.

बावडा रेस्क्यू फोर्सचे निलेश पिसाळ यांना हे कळताच पिंजार गल्लीतील मुलांसोबत बंधाऱ्यावर गेले आणि मगर कुठे जाते ते पाहिले. रात्री ही मगर वडणगे जॅकवेलच्या बाजूने गेली असून तिची शोधमोहीम आता सुरू होणार आहे.

हेही वाचा- Video - बाप हा बापच असतो...! मुलाच्या मृत्यूनंतर 91 व्या वर्षी पुन्हा उभा ठाकला लढायला

गेली काही दिवस या परिसरात मगरीचे अस्तित्व आढळून आले आहे. प्रत्यक्षदर्शी नागरिकांनी सांगितल्यानंतर वन विभागाच्यावतीने या परिसराची पाहणी करण्यात आली. यावेळी प्रत्यक्ष मगर आढळून आली नाही. मात्र तीच्या अस्तित्वाचे ठसे काही ठिकाणी पाहायला मिळाले होते. आता पुन्हा थेट बंधाऱ्यावरच मगर दिसली असून या परिसरात पोहायला येणाऱ्या नागरिकांनी खबरदारी घ्यावी, असे आवाहन करण्यात आले आहे.

संपादन - अर्चना बनगे