इचलकरंजी (कोल्हापूर ) : कोरोनाचा संसर्ग टाळण्यासाठी शहरात पुकारण्यात आलेल्या लॉक डाऊनला नागरिकांनी प्रतिसाद दिला आहे. त्यामुळे गेली कांही दिवस अत्यंत गर्दीने गजबजलेले रस्ते पुन्हा ओस पडले आहेत. पोलीस यंत्रणाही सकाळपासूनच सक्रिय झाली असून गस्त वाढवली आहे.
शहरात कोरोनाचा कहर सुरूच आहे. दररोज रुग्णांची संख्या वाढत आहे. त्यामुळे समूह संसर्ग रोखण्यासाठी शहर सनियंत्रण समितीने ७ ते १४ जुलै या कालावधीत शंभर टक्के लॉक डाऊन जाहीर केले आहे. यामध्ये फक्त वैद्यकीय सुविधा व घरपोच दूध सेवा वगळण्यात आल्या आहेत.
या पार्श्वभूमीवर आज सकाळपासूनच शहरातील सर्व व्यवहार नागरिकांनी उत्स्फूर्तपणे बंद ठेवले आहेत. त्यामुळे सर्व रस्ते ओस पडले आहेत. नागरिकांनीही बाहेर पडण्यापेक्षा घरीच थांबणे पसंत केले आहे. गेल्या कांही दिवसापासून नागरिकांची मोठी वर्दळ शहरातील मुख्य रस्ते तसेच बाजारपेठ परिसरात होती. पण आता लॉक डाऊनच्या निमित्ताने शहरात पुन्हा एकदा सन्नाटा पसरला आहे. शहरात कोरोना बाधित रुग्ण आढळलेल्या परिसरात प्रतिबंधात्मक झोन करण्यात आलेत. त्याठिकाणी असलेल्या नागरिकांना बाहेर पडण्यास मज्जाव करण्यात आला आहे. तेथे पोलिस बंद ठेवण्यात आला आहे.
दरम्यान शहरात कांही नागरिक नागरिक रस्त्यावर फिरतांना दिसल्यास पोलीस त्यांच्यावर कारवाई करीत आहेत. पोलिसांनी गस्त वाढवली असून घराबाहेर थांबलेल्या नागरिकांनाही घरीच थांबावे असे आवाहन पोलीस यंत्रणेकडून केले जात आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.