महाराष्ट्र कर्नाटक वाद चिघळला; महाराष्ट्र एसटी बसवर दगडफेक

कोल्हापूर : शिवसेना जिल्हाप्रमुख प्रकाश शिरोळकर यांच्या वाहनावर कन्नड संघटनेच्या कार्यकर्त्यांनी काल भ्याड हल्ला केला होता. तसेच शिवसेना फलक व वाहनाला काळे फासण्यात आले होते. या पार्श्वभूमीवरती कर्नाटक आणि महाराष्ट्रामध्ये वाद चिघळला आहे.

सीमालढ्यासाठी गेले काही दिवस कर्नाटक आणि महाराष्ट्र वाद सुरूच आहे. यातच कालच्या घटनेने कोल्हापुरात शिवसैनिक आक्रमक झाले आहेत.यामुळे दोन्ही राज्याकडून एसटीची वाहतूक बंद करण्यात आली आहे. दरम्यान काल रात्री कोल्हापूर मध्यवर्ती बस स्थानकात अज्ञात व्यक्तीने महाराष्ट्र एसटी बसवर दगडफेक केली आहे. खबरदारी म्हणून दोन्ही राज्यातील एसटी वाहतूक बंद केली आहे. या अज्ञात व्यक्तीचा पोलीस शोध घेत आहेत.

हेही वाचा- वारंवार नियम मोडल्यास व्यावसायिकांचा परवाना रद्द

कोल्हापूर मध्यवर्ती बस स्थानकात आज सकाळी कर्नाटक ला जाणाऱ्या हुबळी, बेळगाव ,सौंदत्तीसह या बसेस नसल्यामुळे कर्नाटक प्लॅटफॉर्मवर शुकशुकाट पाहायला मिळत आहे.

संपादन- अर्चना बनगे