महाराष्ट्राचा सुवर्णपदकांचा दुष्काळ संपला ; "राष्ट्रीय कुस्ती'त कोल्हापूरच्या नंदिनीला सुवर्ण 

कोल्हापूर  : दोन वर्षापूर्वी राष्ट्रीय 23 वर्षाखालील स्पर्धेत हरीयाणाच्या अंकुशविरुद्ध खेळताना नंदीनीच्या गुडघ्याला दुखापत झाली होती. त्यामुळे तिला एक वर्षापासून जास्त काळ कुस्तीपासून दूर रहावे लागले होते. अर्थातच याचे दडपण नंदीनीवर होते. अखेरचे काही सेकंद शिल्लक असताना ती मागे होती, पण दोन वर्षापूर्वीचा वचपा काढण्याची आपल्याला संधी आहे, हे मार्गदर्शक लवटे यांचे शब्द तिला सर्वोत्तम कामगिरीसाठी प्रेरक ठरले.

 तिने लढतीचा निकाल फिरवण्यात यश मिळवत.अखेर वरिष्ठ महिला राष्ट्रीय कुस्ती स्पर्धेत  नंदीनीने सुवर्ण पदक तर स्वाती शिंदे हिने कास्य पदक मिळवित  कोल्हापूरच्या शिरपेचात मानाचा तुरा  रोवला. नंदीनीच्या यशामुळे महाराष्ट्राचा सुवर्णपदकांचा दुष्काळ संपवला. मुरगुड कुस्ती संकुलात या दोघींना गेल्या सात वर्षांपासून दादा लवटे यांचे मार्गदर्शन सुरू आहे. 

हेही वाचा- गुन्हेगारीमुळे अडचणीत येण्याची भीती;  शहानिशाबरोबर पोलिस दप्तरी करा नोंद

आग्रा येथील स्पर्धेच्या पहिल्या दिवशी शनिवारी स्वाती शिंदेने 50 किलो वजनी गटात कास्य पदक जिंकले होते. तर आज रविवारी नंदीनी साळोखे हिने 53 किलो गटात सुवर्णपदक जिंकण्याचा पराक्रम केला. या गटातून ऑलिंपिक पात्रता मिळवलेल्या विनेश फोगटच्या अनुपस्थितीत स्पर्धा झाली आणि त्यात सर्व कुस्ती तज्ज्ञांना धक्का देत नंदीनीने बाजी मारली. मणिपूर, आंध्रप्रदेश व हरियाणा अंकुश कुमारीला पराभूत करून नंदिनीने अंतिम फेरीत धडक मारली होती. तिने अंतिम फेरीत दिल्लीच्या ममता राणीचा 8-0 असा सहज पराभव करीत आपली हुकुमत दाखवून दिली.

हेही वाचा- या घराण्याने दक्षिण कोकणवर दीर्घकाळ अधिराज्य गाजवले -

नंदीनीच्या यशाने तर अनेक वर्ष हुलकावणी देत असलेले सुवर्णपदक जिंकता गेल्या वर्षापर्यंत आपल्या कुस्तीगीर पदकापासून दूर रहात होत्या आता ते खंडीत झाले याचे समाधान आहे, आले असे दादा लवटे यांनी सांगितले. मुंबईतील डार्फ केटल ग्रुपने या दोघींना दत्तक घेतले आहे. कंपनीने या दोघांसाठी व्यायामशाळाही उभी केली आहे. या कंपनीने राष्ट्रीय कुस्ती स्पर्धेसाठी विजय पाटील, स्वाती शिंदे व नंदिनी साळुंखेला 60 हजारांची विशेष मदतीनिधी दिला होता. 

खूप छान वाटत. पदकाची आशा होती, पण पदक लागेल की नाही ही धुकधुक होती, पण अखेर पदक लागल. फायनलच्यावेळी थोड टेन्शन होते. सुरुवातीस आघाडी घेतली आणि मग तिला चीतपटच केले. 
- नंदीनी साळोखे  

संपादन- अर्चना बनगे