हे कोल्हापूर हाय! छातीत कळ आल्यास आम्ही जबाबदार नाही; चर्चा पंपावरच्या बोर्डाची

social media viral video of kolhapur petrol pump
social media viral video of kolhapur petrol pump

कोल्हापूर : 'पेट्रोल दर स्वतःच्या जबाबदारीवर पहावेत, छातीत कळ आल्यास पंप मालक जबाबदार नाही,' असा पेट्रोलपंपावरील एलईडी बोर्ड आज कोल्हापुरात चर्चेत आला. एका व्यक्तीने या बोर्डचे चित्रीकरण करून सोशल मीडियावर अपलोड केले. त्यानंतर 'हे फक्त कोल्हापुरातच घडते', 'स्थळ अर्थात कोल्हापूर' अशा टिप्पणीच्या पोस्ट व्हायरल झाल्या. सायंकाळी या पोस्टमुळे पेट्रोलचा प्रति लिटर दर शंभर झाल्याची अफवा ही पसरली होती. 

पुणे-बंगळूर राष्ट्रीय महामार्ग क्रमांक चारवरील कोल्हापूर जवळील एका पेट्रोल पंपावर सुचना देण्यासाठी एलईडी बोर्ड आहे. याच बोर्डवर आज 'पेट्रोल दर स्वतःच्या जबाबदारीवर पहावेत, छातीत कळ आल्यास पंप मालक जबाबदार नाही, पेट्रोल पंप मालक संघटना' असा संदेश फिरू लागला. त्यामुळे पंपावर हा विषय चर्चेत आला. एका ग्राहकाने त्याचे चित्रीकरण करून ते व्हायरल केले. त्यामुळे या बोर्डची चर्चा चहाच्या टपरीपासून तो मंत्र्यांच्या 'ट्वीट' पर्यंत सुरू झाली. सोशल मीडियावर 'स्टेटस' होता. तर 'क्‍लिप' ही अनेकांनी व्हॉटस्‌ ऍप ग्रुपवर 'शेअर' करून त्याला प्रसिद्धी दिली. अनेकांनी यामध्ये कोल्हापुरात असे घडू शकते. कोल्हापुरातील हा पंप आहे, अशी टिप्पणीही त्यावर केली. 

गेल्या काही दिवसांत रोज 30-35 पैशांनी पेट्रोल दर वाढत आहेत. ब्रॅण्डेड पेट्रोलचा दर 99 रुपयांहून ही अधिक पोचला आहे. शंभर रुपये केव्हाही होऊ शकतो. त्यामुळे ग्राहकांचेच नव्हे तर सर्वांचेच लक्ष आता पेट्रोलच्या दराकडे लागून आहेत. त्यातच ही पोस्ट व्हायरल झाल्यामुळे त्याला चांगलाच प्रतिसाद मिळाला आहे. 

दरम्यान याबाबत वस्तूस्थिती पाहण्यासाठी 'सकाळ'ने संबंधित पेट्रोल पंप मालकांकडे संपर्क साधला असता त्यांनी सकाळी काही कामगारांनी हा संदेश ठेवला आहे. नेमका कोणी ठेवला याबाबतची माहिती घेण्याचे काम सुरू आहे. नंतर तो काढला असल्याचे सांगितले. 

संपादन - स्नेहल कदम 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com