इचलकरंजी : पुरवठा कार्यालयात शासकीय अधिकाऱ्यांना शहीद दिन साजरा करण्याचा विसर पडला. त्यानंतर शहरातील सामाजिक कार्यकर्त्यांनी पुरवठा कार्यालयातील शहीद स्तंभासमोरील समोरील परिसर स्वच्छ करून शहीद दिन साजरा केला. मात्र या कार्यालातील पुरवठा अधिकाऱ्यांनी प्रसिद्धीसाठी केल्याचा आरोप केल्यानंतर वातावरण चांगलेच तापले. त्यानंतर मोठे तणावाचे वातावरण निर्माण झाले असून पुरवठा अधिकारी अमित डोंगरे यांनी माफी मागावी अशी मागणी करत भाजप कार्यकर्त्यानी पुरवठा अधिकाऱ्यांच्या दालनात ठिय्या मारला. घटनास्थळी गावभाग पोलिस दाखल झाले.
संपूर्ण भारतात आज शहीद दिन साजरा होत आहे. शहरात पुरवठा कार्यालयात शहीद स्तंभ आहे. मात्र पुरवठा कार्यालयात शहीद दिन साजरा केला नसून कार्यालयात शहीदांचे फोटो पूजन ही केले नाही. त्यामुळे भाजप कार्यकर्त्यांनी स्वतः हातात झाडू घेऊन परिसर स्वच्छ करून शहीद दिन साजरा केला.
भाजप कार्यकर्त्यानी शहीद दिन प्रसिद्धीसाठी साजरा केला असल्याचा आरोप पुरवठा अधिकारी डोंगर यांनी प्रसारमाध्यमांशी बोलताना केला. त्यामुळे भाजप कार्यकर्ते अधिकच संतापले. आणि याबाबत पुरवठा अधिकाऱ्यांना धारेवर धरत माफीसाठी त्यांच्या दालनात ठिय्या मारला. त्यामुळे पुरवठा कार्यालयात मोठे तणावाचे वातावरण निर्माण झाले.
संपादन- अर्चना बनगे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.