कोल्हापूर - महाराष्ट्र लोकसेवा आयोगाच्या पोलिस उपनिरीक्षक पदासाठी बनावट क्रीडा प्रमाणपत्र सादर केल्या प्रकरणी आज विजय सदाशिव बोरकर (वय 39, शंभर फुटी रोड, सांगली) याला अटक केली. 2016 मध्ये हा प्रकार घडला होता. जुना राजवाडा पोलिसांनी ही कारवाई केली.
याबाबत पोलिसांनी दिलेल्या माहितीनुसार, बोरकर यांनी मुलाखती वेळी नॅशनल टेंपोलीन जिम्नॅस्टिक चॅम्पियन न्यू इंग्लिश स्कूल (ता. मिरज, जि. सांगली) येथील स्पर्धेत सहभाग घेतल्याचे प्रमाणपत्र सादर केले होते. प्रमाणपत्राबद्दल राज्य लोकसेवा आयोगाच्या अधिकाऱ्यांना शंका आली होती.
त्यामुळे आयुक्त क्रीडा व युवक सेवा संचनालय विभागाने प्रमाणपत्र पडताळणीची जबाबदारी शंकर भास्करे या क्रीडा अधिकाऱ्यांकडे सोपवली होती. भास्करे यांनी चौकशी केल्यानंतर विजय बोरकर यांनी सादर केलेले प्रमाणपत्र हे बनावट असल्याचे स्पष्ट झाले. त्यानंतर भास्करे यांनी जुना राजवाडा पोलिस ठाण्यात गुन्हा दाखल केला. याचा पुढील तपास पोलिस उपनिरीक्षक संजय नागरगोजे करत आहेत.
संपादन - धनाजी सुर्वे
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.