कोल्हापूर - लॉकडाऊनच्या काळात पंचगंगा नदी प्रदूषणमुक्त होत असून अजूनही आवश्‍यक उपाययोजनांवर प्रशासनाने भर दिला आहे. मात्र, नदी प्रदूषित करणाऱ्यांवर आता तत्काळ दंडात्मक कारवाई केली जाणार आहे. काल नदीत निर्माल्य टाकणाऱ्या प्रकाश पाटील या नागरिकाला आरोग्य निरीक्षक अरविंद कांबळे, निलेश पोतदार, ऋषीकेश सरनाईक यांनी रंगेहाथ पकडले आणि सर्व निर्माल्य नदीतून बाहेर काढायला लावले. त्याशिवाय त्याच्यावर दंडात्मक कारवाईही केली. या कारवाईचा व्हिडिओ आता सोशल मीडियावर व्हायरल होवू लागला आहे.
लॉकडाउननंतर पंचगंगेत प्रदूषित घटक मिसळण्याचे कमी झालेले प्रमाण व त्यामुळे नितळ झालेले पंचगंगेचे पात्र, याचा तीन पातळ्यांवर अभ्यास करण्यासाठी पंचगंगेच्या पाण्याचे दर पाच दिवसांनी नमुने घेतले जात आहेत. पाण्यातील भौतिक, रासायनिक, जैविक बदल तपासले जात आहेत. लॉकडाउननंतर नितळ झालेले पंचगंगेचे पाणी यापुढेही तसेच कायम राहावे, यासाठी या सर्वेक्षणातून उपाययोजना राबविली जाणार आहे. प्रशासनाबरोबर पंचगंगा नितळ ठेवण्याची जबाबदारी नागरिकांचीही असून त्याबाबत प्रबोधनालाही प्रारंभ झाला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.