मोठा निर्णय : मुदत संपलेल्या ग्रामपंचायतींसाठी महत्वाची बातमी

कोल्हापूर :  महाराष्ट्रात कोरोनाचा प्रादुर्भाव वाढू नये, यासाठी राज्यातील मुदत संपलेल्या  1576 ग्रामपंचायतींवर प्रशासक नियुक्तीचे काम सुरू आहे. दरम्यान जुलै ते डिसेंबर 2020 मध्ये  मुदत संपलेल्या राज्यातील 12 हजार 668 ग्रामपंचायतींच्या निवडणुका रद्द केल्या आहेत. 

ज्या-ज्या ग्रामपंचायतींची मुदत संपेल तस-तशी  संबंधित ग्रामपंचायतीवर प्रशासकांची नियुक्ती केली जाईल, अशी माहिती  ग्रामविकास मंत्री हसन मुश्रीफ यांनी माहिती सकाळीशी बोलताना दिली.

कोल्हापुरच्या बातम्या वाचण्यासाठी येथे क्लिक करा  

कोरोना संसर्गाचा प्रसार होऊ नये म्हणून काळजी

राज्यात एप्रिल, मे आणि जूनमध्ये १ हजार ५६६
ग्रामपंचायतींची मुदत संपली आहे. ग्रामपंचायत निवडणुकीच्या
 काळात प्रशिक्षणे, निवडणुकीचे कामकाज,
प्रचारसभा, मेळाव्यांचे आयोजन केले जाते. त्यामुले लोक एकत्र येतात. यातूनच कोरोनाचा संसर्ग होण्याची शक्यता लक्षात आहे. हीच बाब लक्षात घेऊन मुदत संपलेल्या ग्रामपंचायतींच्या
निवडणुका राज्य निवडणूक आयोगामार्फत पुढे ढकलण्यात
आल्या होत्या. आता या ग्रामपंचायतींची मुदत संपली असून
 राज्यातील कोरोनाचा प्रादुर्भाव अजुनही कमी झालेला नाही.
 त्यामुळे  सध्या निवडणुका घेणे शक्य नाहीत. 

७३ व्या घटना दुरुस्तीनुसार स्थानिक स्वराज्य संस्थांचा
कालावधी ५ वर्षांपेक्षा जास्त असू शकत नाही. त्यामुळे या सर्व
ग्रामपंचायतींवर सरकारतर्फे शासक नेमण्याचा निर्णय
घेण्यात आला असल्याचे मंत्री मुश्रीफ यांनी सांगितले.

हे पण वाचा - ब्रेकिंग : विमानातून आलेला तो प्रवासी निघाला कोरोना पॉझिटीव्ह

राज्यात जुलै ते डिसेंबर २०२० दरम्यान १२ हजार ६६८ 
ग्रामपंचायतींची मुदत संपत आहे. कोरोना विषाणुचा प्रादुर्भाव 
रोखण्याची आवश्यकता लक्षात घेऊन तसेच या निवडणुकांमुळे वाढणारी जोखीम लक्षात घेऊन यानिवडणुका पुढे ढकलण्यात याव्यात व पुढील ६ महिने  कोणत्याही निवडणुका न घेण्याबाबत सूचना निर्गमित करण्यात याव्यात, अशी सरकारने केलेली विनंती राज्य निवडणुक आयोगाने मान्य केली असल्याचेही मुश्रीफ यांनी यावेळी सांगितले. 

हे पण वाचा - मुरगूडमध्ये त्या कोरोना रुग्णांवरुन प्रचंड गोंधळ  : मुख्याधिकाऱ्यांवर झाली चपलफेक