हॉस्पिटल रोबोटची कोरोना उपचारात महत्वाची भुमीका कशी? ते वाचा 

सोलापूरः येथील छत्रपती शिवाजी महाराज सर्वोपचार रुग्णालयात रोटरी क्‍लबने रुग्णसेवेसाठी निशुल्क उपलब्ध केलेले तीन कोरोना फायटर जीवन रोबोट रुग्ण व डॉक्‍टरांच्या मध्ये उत्तम संवादक व वाहक म्हणून काम करीत आहेत. कोरोना संसर्गाच्या प्रसारावर उपचार करणारे डॉक्‍टर व परिचारिकांना रोबोटचे संरक्षण मिळाले आहे. बेडवर एकाकी असलेल्या रुग्णांना त्यांच्या घरच्यांशी संवाद साधण्याची संधी या रोबोटद्वारे उपलब्ध झाली आहे. 

हेही वाचाः हमीभाव मका खरेदी : पंढरपूर, सांगोल्यातील शेतकऱ्यांना मिळाली एवढी रक्कम 

येथील रोटरी क्‍लबचे बी. एस. मुंदडा व पदाधिकाऱ्यांनी कोरोना सारख्या संसर्गजन्य आजारात डॉक्‍टर व कर्मचाऱ्यांना संरक्षण मिळावे यादृष्टीने विचार केला होता. तेव्हा रोबोटीक्‍सचे तज्ञ असलेले शैलेश थिगळे, जय व यश थिगळे यांनी कोरोना फायटर रोबोटची निर्मीती करण्यास सुरवात केली. श्री. थिगळे हे रोबोटीक्‍स व न्यु एज कॉम्प्युटर संस्थेचे संचालक असून त्यांचा मुलगा जय व यश थीगळे हे रोबोट बनवण्याचे काम करतात. यापुर्वी कारखान्यात पीक अँड प्लेस कार्यपध्दतीचे रोबोट उपयोगी पडत होते. मात्र कोरोना उपचारासाठी त्यांना मुव्हेबल व संवाद घडवून देणारे रोबोट तयार करणे आवश्‍यक होते. तसेच हे रोबोट वायरलेस व सेन्सर पध्दतीने बनवणे आवश्‍यक होते. 

हेही वाचाः मराठीत शिक्षण घेणे महाराष्ट्रात गुन्हा आहे काय? कोणी केला सवाल? वाचा 

हार्डवेअरसाठी लागणारे स्पेअर पार्टस उपलब्ध झाल्यानंतर सॉफ्टवेअर साठी जय थिगळे यांनी स्वतंत्र ऍप डेव्हलप केले. या रोबोटद्वारे व्यक्ती संपर्क न होता अैाषधी, भोजन व नाश्‍ता रुग्णांपर्यंत पोचवणे, डॉक्‍टरांना व्हिडीओ कॉलद्वारे रुग्णांशी संवाद साधून दिला जातो. रुग्णांना त्यांच्या कुटुंबीयांशी बोलता यावे यासाठी एक मोबाईल जोडला आहे. डॉक्‍टर रोबोटच्या व्हिडीओ कॉलद्वारे रुग्णांना त्यांच्या आजाराची चौकशी व गोळ्या घेण्याबद्दल सुचना देतात. 

रोबोटची तांत्रिक वैशिष्ट्ये 
पहिला हॉस्पिटल रोबोट 
ऍटो पॉवर प्रोटेक्‍शन बेस 
स्मार्ट फोनचा संवादासाठी उपयोग 
ऑटो सेन्सरद्वारे ऑबस्टॅकल डिटेक्‍शन 
वायरलेस रोबोट 

कोरोना संसर्ग टाळण्याचा प्रयत्न 
पहिला रोबोट दिल्यानंतर वैद्यकीय अधिकाऱ्यांना व कर्मचाऱ्यांना त्याचा उपयोग करण्याचे प्रशिक्षण देण्यात आले. नंतर रुग्णांची संख्या वाढल्याने आणखी दोन रोबोट वार्डात उपलब्ध करून दिले आहेत. 
- बी. एस. मुंदडा, अध्यक्ष रोटरी क्‍लब ऑफ सोलापूर 

सुरक्षितता ठरते महत्वाची 
कोरोना संसर्गात औषधीसेवा व संवाद या दोन्ही गोष्टी रोबोटद्वारे रुग्ण व डॉक्‍टरांना सुरक्षित अंतरावरून मिळाव्यात हा उद्देश या रोबोटमुळे उपलब्ध झाला आहे. 
- शैलेश थिगळे, संचालक न्युएज कॉम्प्यूटर्स.