वैराग येथील युवकाचा मृत्यू; द्राक्षांवरील रासायनिक फवारणीमुळे विषबाधा झाल्याचा संशय

A youth from Vairag has died due to chemical spray poisoning on grapes.jpg
A youth from Vairag has died due to chemical spray poisoning on grapes.jpg

बार्शी  (सोलापूर) : वैराग येथील तरुणाचा प्रमाणापेक्षा जास्त द्राक्ष सेवन केल्यामुळे मंदार भाऊराव मोरे ( वय २१, रा .दासरी प्लॉट, वैराग ) या युवकाचा मृत्यू झाला. द्राक्ष पीकावरील रासायनिक फवारणीमुळे विषबाधा झाल्याचा प्राथमिक अंदाज वैद्यकीय अधिकाऱ्यांनी स्पष्ट केला आहे. बार्शी शहर पोलिसांत घटनेची नोंद झाली आहे.

अर्ध्यावरती खेळ मोडला...! भीषण अपघातात पत्नीचा जागीच मृत्यू तर पती गंभीर जखमी
.
वैराग येथील भाऊराव मोरे कुटुंबीय द्राक्ष खाण्यासाठी नांदणी येथील नातेवाईकांकडे गुरुवारी गेले होते. सायंकाळी घरी परतल्यानंतर मंदार यास उलट्याचा त्रास जाणवू लागला तसेच मळमळ होत होती. रात्रीच्यावेळी जास्तच त्रास होऊ लागल्याने मंदार यास खासगी रुग्णालयात दाखल करण्यात आले. उपचार सुरु असताना त्याचा मृत्यू झाला. मृतदेह रुग्णालयाने ग्रामीण रुग्णालय येथे शवविच्छेदनासाठी दाखल केला. 

ग्रामीण रुग्णालयाच्या अधिक्षिका डॉ. शीतल बोपलकर यांनी मृतदेहाचे शवविच्छेदन केले. विषबाधा झाल्यामुळे मंदार मोरे याचा मृत्यू झाला असल्याचा प्राथमिक अंदाज असून व्हिसेरा राखून ठेवण्यात आला आहे, असे डॉ .बोपलकर यांनी स्पष्ट केले. द्राक्ष व्यवस्थित पाण्याने स्वच्छ धूवून खाल्ली नसावीत, द्राक्षावर करण्यात आलेली रासायनिक फवारणीमधील औषधांची विषबाधा झाली असावी, असेही डॉ. शीतल बोपलकर यांनी सकाळ शी बोलताना सांगितले 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com