सह्याद्री कारखान्यासाठी १६७ उमेदवारांचे अर्ज

सह्याद्री कारखान्यासाठी १६७ उमेदवारांचे अर्ज

कऱ्हाडः यशवंतनगर येथील सह्याद्री सहकारी साखर कारखान्याच्या संचालक मंडळाच्या पंचवार्षिक निवडणुकीसाठी अर्ज दाखल करण्याच्या  शेवटच्या दिवसअखेर १६७ उमेदवारांचे अर्ज दाखल झाले. 

हे पाहाःसाखर कारखानदारी टिकवण्याचे आवाहन 

दहा मतदारसंघांतून २१  सदस्यांयाठी निवडणूक होत आहे. कोपर्डे हवेली गटातून सर्वाधिक २६, तर त्यापाठोपाठ मसूर गटातून २५ तर उंब्रज गटातून २४ अर्ज दाखल झाले आहेत. विमुक्त जाती व भटक्या जमातीच्या एका जागेसाठी तीन अर्ज दाखल झाले आहेत. सोमवारी (ता. १३) दाखल अर्जांची छाननी होणार आहे. ता. १४ ते २८ जानेवारीअखेर अर्ज मागे घेण्याची मुदत आहे. 

हे पाहाःसाईबाबांबाबत मुख्यमंत्र्याच्या वक्तव्यामुळे नाराजी 

सह्याद्री कारखान्याचा निवडणूक कार्यक्रम जाहीर झाला असून, सोमवारपासून (ता. ६) अर्ज दाखल करण्यास प्रारंभ झाला. कारखान्याचे अध्यक्ष व सहकारमंत्री बाळासाहेब पाटील यांच्यासह काल २१ जणांचे २२ अर्ज दाखल झाले. निवडणूक निर्णय अधिकारी म्हणून मनोहर माळी काम पाहात आहेत. येथील नवीन प्रशासकीय इमारतीत निवडणूक प्रक्रियेचे काम सुरू आहे. अर्ज दाखल करण्याचा काल शेवटचा दिवस असल्याने कार्यालय सकाळपासूनच इच्छुकांसह कार्यकर्त्यांनी गजबजले होते.

हे पाहाःराज्यमंत्री बच्चू कडू आज जिल्ह्यात 

निवडणुकीसाठी कऱ्हाड, तळबीड, मसूर व वाठार किरोली गटातून प्रत्येकी तीन तर उंब्रज, कोपर्डे हवेली व महिला राखीव गटातून प्रत्येकी दोन सदस्यांना निवडून द्यायचे आहे. तसेच अनुसूचित जाती, जमाती, विमुक्त जाती, भटक्या जमाती व इतर मागास प्रवर्ग या मतदारसंघासाठी प्रत्येकी एक यानुसार २१ सदस्यासांठी ही निवडणूक होत आहे.

हे पाहाः... तर यांना मिळू शकते कोल्हापुरचे पालकमंत्रीपद

आज (ता. १०) दुपारी तीन वाजेपर्यंत अर्ज दाखल करण्याची मुदत होती. या मुदतीत कऱ्हाड गटातून १५, तळबीड गटातून २५, उंब्रज गटातून २४, कोपर्डे हवेली गटातून २६, मसूर गटातून २५, वाठार गटातून २८, महिला राखीव मतदारासंघातून सहा, विमुक्त जाती, भटक्या जमाती मतदारसंघातून तीन तर इतर मागास प्रवर्गातून पाच जणांचे उमेदवारी अर्ज दाखल झाले आहेत.

सोमवारी सकाळी ११ वाजता निवडणूक निर्णय अधिकाऱ्यांच्या कार्यलयात दाखल अर्जांची छाननी होईल. १४ ते २८ जानेवारी दरम्यान सकाळी ११.३० ते दुपारी ३ या वेळेत अर्ज मागे घेण्याची मुदत राहील. 

अश्‍लील इमोजीमुळे अडकला फेसबुक फ्रेंड!