Almatti Dam Update : 24 तासांत बदलली परिस्थिती! कोल्हापूर-सांगलीकरांना मोठा दिलासा; 'आलमट्टी'तून पाणी सोडणं पूर्णपणे बंद, कृष्णेची पातळी स्थिर राहणार?

चिक्कोडी (बेळगाव) : कर्नाटक राज्यातील सर्वात महत्त्वाच्या आलमट्टी धरणातील पाणीसाठ्यात सातत्याने वाढ होत आहे. रविवारी (१२ जुलै) धरणाची पाणीपातळी ५१६.८८ मीटर इतकी नोंदविण्यात आली (Almatti Dam water storage July 2026) असून, धरणातील एकूण पाणीसाठा ८२.९९७ टीएमसीवर पोहोचला आहे. हा साठा धरणाच्या एकूण क्षमतेच्या ६७.४३ टक्के इतका आहे.