लग्नाच्या बोहल्यावर चढण्याआधी वर-वधुने बजावलं लोकशाहीचं कर्तव्य; मुंडावळे बांधून केलं मतदान

बेळगाव : आधी लगीन कोंढाण्याचे..या छत्रपती शिवरायांच्या वीर सुभेदार तानाजी मालुसरे यांच्या कर्तव्यनिष्ठेप्रमाणेच बेळगाव परिसरातील वर-वधुनी लग्नाच्या बोहल्यावर चढण्याआधी मतदानाचे कर्तव्य पार पाडून लोकशाहीप्रति असलेली निष्ठा दाखवून दिली.

लग्न सोहळा म्हणजे प्रत्येकाच्या आयुष्यातील महत्वाचा भाग असतो. काहींनी मतदानादिवशीच लग्न सोहळा आयोजित केला होता. तर काहींनी दोन महिन्यांपूर्वीच ही तारीख ठरविली होती. त्यामुळे त्यांच्यासाठी हा दिवस खास ठरला. विधानसभेसाठी बुधवारी (ता. १०) मतदान झाले.

या दिवशी अनेकांनी आपल्या लग्नाचे नियोजन आखले होते. त्यामुळे त्यांना पहिला मतदान व त्यानंतर लग्न समारंभासाठी पोचावे लागले. कंग्राळी येथील वराने आपल्या लग्नादिवशीच आपले कर्तव्य पार पाडले. वर-वधुंसाठी हा दिवस कायम स्मरणात राहण्यासारखा ठरला आहे. (Latest Marathi News)

वर-वधु मुंडावळ्या, फेटा, पोशाख परिधान केलेल्या स्थितीत मतदान केंद्रावर मतदान केले. त्यामुळे राष्ट्र कर्तव्य व आपल्या मतदानाच्या मूलभूत अधिकाराला प्रथम कर्तव्य समजत एक वेगळे मूर्तिमंत उदाहरण समाजासमोर उभे केले. (Latest Marathi News)

यामुळे परिसरातून नवरदेव व कुटुंबियांचे कौतुक होत आहे. १० रोजी तरुणांपासून ते वयोवृद्धांपर्यंत सर्वांनीच मतदानाचा हक्क बजावला. पण विशेष लक्ष गेलं ते मतदान करण्यासाठी आलेल्या वर-वधूकडे. नटून-थटून थेट लग्नाआधी मतदानकेंद्रावर आल्याचं पाहायला मिळालं.