कऱ्हाडला दहा जणांसह ट्रकही ताब्यात

कऱ्हाड ः कोरोनाच्या पार्श्वभूमीवर जमावबंदी व संचारबंदी लागू आहे. अशातही ट्रकमधून 10 जण प्रवेश करत असल्याप्रकरणी रात्री मालखेड फाटा येथे कारवाई करण्यात आली. संबंधितांवर त्याप्रकरणी गुन्हा दाखल करून ट्रकही ताब्यात घेण्यात आला आहे. हवालदार आशिष पाटील यांनी दिलेल्या फिर्यादीवरून संबंधितांवर कारवाई करण्यात आल्याची माहिती तालुका पोलिसांनी दिली.
 
पोलिसांची माहिती अशी ः मालखेड फाटा येथे नाकाबंदी सुरू आहे. तेथे हवालदार पाटील, पोलिस उपनिरीक्षक अशोक भापकर व अन्य सहकारी कार्यरत आहेत. नाकाबंदी सुरू असताना ट्रक (केए 14 सी 0197) घेऊन चालक आला आहे. त्याच्याकडे विचारपूस केल्यावर समाधानकारक उत्तर देता आले नाही. त्यानंतर ट्रकची तपासणी केल्यावर त्यामध्ये आणखी दहा जण असल्याचे आढळले. त्यावरून संबंधितावर जिल्हाधिकाऱ्यांच्या संचारबंदी व जमावबंदी आदेशाचे उल्लंघन केल्याप्रकरणी गुन्हा दाखल करण्यात आला आहे.

त्यामध्ये ए. एन. मल्लेश (वय-38, रा. कोहाली, कर्नाटक) या चालकासह देवराज गौडा (60, रा. वाशी), सुनील बी. पी (26, रा. रामगिरी, कर्नाटक), हरीष गौडा व राधचंद्रा नागेश गौडा (रा.मुलुंड-मुंबई), नवीनकुमार लख्खेगौडा (27, रा. कोळीवाडा, मुंबई), योगेश जवेरेगौडा (32, रा. प्रतीक्षानगर-मुंबई), सागर सुरेश गौडा (17, कोपरखैरणे), सोमनाथ मणजेगौडा, ललिता सोमनाथ गौडा (रा. नवी मुंबई), जयलक्ष्मी जवेरे गौडा (50, रा. प्रतीक्षानगर-मुंबई) यांचा समावेश आहे. 

हेही वाचा - क्षणात काॅन्स्टेबलच्या डोळ्यासमोरून स्वजीवनाचा फ्लॅशबॅक सरकला 


जरुर वाचा  कोरोनाशी फाईट देताना 64 वर्षीय सातारा जिल्ह्यातील कराड येथील डॉ. शितल कुलकर्णी यांना आपले वयाचेही भान राहत नाही. इतकी ऊर्जा घेवून त्या स्वतः काम करतात. त्याशिवाय आरोग्य सेविका अन्‌ आशा स्वंयसेविकांनाही काम करण्याची प्ररेणा देतात. कशा पद्धतीने त्यांचे कार्य सुरु आहे घेऊया जाणून

नक्की वाचा  लॉकडाउनच्या कालावधीमध्ये मधुमेह रुग्णांनी कशा पद्धतीने काळजी घ्यावी जेणेकरुन रक्तातील साखर नियंत्रणात राहील, वजन वाढणार नाही, प्रतिकार शक्ती चांगली राहील याबाबतची माहिती जाणून घेऊ.