राजू शेट्टींना कन्नड भाषेतच बोलण्याचा आग्रह, मराठी बोलण्यास विरोध; कर्नाटकात शेतकरी नेत्याला बोलूच दिलं नाही, कन्नड संघटनांचा संताप

चिक्कोडी (जि. बेळगाव) : महाराष्ट्राचे माजी खासदार आणि स्वाभिमानी शेतकरी संघटनेचे संस्थापक राजू शेट्टी हे आंदोलनाला पाठिंबा देण्यासाठी घटनास्थळी आले. त्यांनी बोलण्यास सुरुवात करताच कन्नड समर्थक संघटनांनी त्यांना कन्नड भाषेतच बोला, असा आग्रह धरला. यामुळे गोंधळाचे वातावरण निर्माण झाले आणि शेट्टी (Raju Shetti) न बोलताच माघारी परतले. यावेळी कन्नड समर्थक संघटना आणि राजू शेट्टी यांच्यात शाब्दिक वादही झाला.